ۇلتتىق سپورت تۇرلەرىنەن مامان دايارلاۋ قولعا الىنباق
كەزدەسۋگە ۇلتتىق سپورتتىڭ قىر- سىرىن بىلەتىن مەملەكەتتىك جاتتىقتىرۋشى ر. ساتتىبايەۆ، اسىلبەك يزبايروۆ باستاعان ماماندار، سونداي- اق، ۋنيۆەرسيتەتتىڭ دەنە شىنىقتىرۋ كافەدراسىنىڭ وقىتۋشى- پروفەسسورلار قۇرامى قاتىستى.
وتىرىستا باستى قارالعان ماسەلە - ەۋرازيا ۇلتتىق ۋنيۆەرسيتەتى قابىرعاسىنان ۇلتتىق سپورت تۇرلەرى بولىمشەسىن اشىپ، بولاشاق مامان دايىنداۋ. اتالعان بولىمشە ۇلتتىق سپورتتىڭ بارلىق ءتۇرىن دامىتۋعا اتسالىسادى.
مىسالى، بۇگىنگى تاڭدا ۇمىتىلىپ بارا جاتقان قولونەر شەبەرلەرىن دايىنداۋ، توعىزقۇمالاق سپورتشىلارىن تاربيەلەۋ، قۇسبەگىلىكتى دارىپتەۋ، قازاقى قۇماي تازى باپتاۋدىڭ قىرى مەن سىرىنا ۇيرەتۋ.
سونىمەن بىرگە، كوكپارشىلار دايىنداۋ، كەزىندەگى تۇيە پالۋان ءداستۇرىن دۇنيەگە پاش ەتۋ. ۇلتتىق سپورتتىڭ وزگە دە تۇرلەرىنەن وقۋشى تاربيەلەپ، بولاشاق ۇلتتىق سپورت ماماندارىن جەتىلدىرىپ شىعارۋدى كوزدەيدى.
