حالىقارالىق «باتىس ەۋروپا-باتىس قىتاي» ءدالىزىنىڭ بويىنان سەرۆيستىك قىزمەت كورسەتۋ ورتالىقتارى سالىنادى

بۇگىن ساۋلەت-قالا قۇرىلىسى كەڭەسىندە حالىقارالىق جولدىڭ بويىنان سالىناتىن عيماراتتاردىڭ ەسكيزدىك جوباسى تالقىلاندى، دەپ حابارلادى وبلىستىق اكىمدىكتىڭ باسپا ءسوز قىزمەتىنەن.

«قازتۋريزم» ج ش س جاڭاقورعان اۋدانى تۇسىنان جولاۋشىلارعا قىزمەت كورسەتۋ كەشەنىن سالۋدى جوسپارلاپ وتىر. كەشەندە 100 ورىنعا ارنالعان قوناق ءۇي، تۋريستىك ءبولىم، ساۋنا، بيليارد، 100 ورىندىق مەيرامحانا جانە دۇكەن، ءدارىحانا، ساۋدا ورنى، جۇك جانە جەڭىل كولىكتەرگە ارنالعان اۆتوتۇراق، اۆتوكولىككە قىزمەت كورسەتۋ شەبەرحاناسى، دەمالۋ ايماعى، قويمالار بولادى.

ايتا كەتەيىك، جۇك كولىكتەرىنە ارنالعان اۆتوتۇراق كۇن ساۋلەسى ارقىلى ەنەرگيا شىعاراتىن قوندىرعىلارمەن جابدىقتالادى. جوبا تولىعىمەن ىسكە قوسىلعان كەزدە 50 ادام تۇراقتى جۇمىسپەن قامتاماسىز ەتىلەدى. قۇرىلىستى 2016-جىلدا تولىقتاي اياقتاۋ كوزدەلىپ وتىر. جوبا قۇنى 720,0 ميلليون تەڭگە.

ءدال وسىنداي كەشەن ارال جانە شيەلى اۋداندارىندا سالىنادى. وندا گاز قۇيۋ بەكەتى، 50 ورىندىق ءدامحانا، ساۋدا ورنى، تەحنيكالىق قىزمەت كورسەتۋ ورتالىقتارى بولادى. ءارقايسىسىندا 10-15 ادام تۇراقتى جۇمىس ىستەيدى. - «باتىس ەۋروپا -باتىس قىتاي» اۆتوبانىنىڭ قۇرىلىسى اياقتالۋعا تاياۋ. ەندى كولىكتەردىڭ لەگى ارتا تۇسەدى. ولار ءبىزدىڭ ءوڭىردىڭ سەرۆيستىك قىزمەتىن پايدالانۋ ءۇشىن بارلىعى تالاپقا ساي كەلۋ كەرەك. سوندىقتان قۇرىلىستىڭ ساپالى جۇرگىزىلۋىن قاداعالاڭىزدار، - دەدى وبلىس اكىمى ق. كوشەربايەۆ.

اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى