قازاقستاندى ەڭ قاۋىپسىز ءارى قولايلى ەلگە اينالدىرعىمىز كەلەدى - ق . توقايەۆ
كەشە ەلوردادا وتكەن «قازاقستان-2050» ستراتەگياسىنىڭ ىسكە اسىرىلۋى جانە قازاقستان رەسپۋبليكاسىنىڭ حالىقارالىق قوعامداستىقتاعى ءرولى» تاقىرىبىنا ارنالعان دوڭگەلەك ۇستەل بارىسىندا ق ر پارلامەنتى سەناتىنىڭ ءتوراعاسى قاسىم- جومارت توقايەۆ وسىلاي ءمالىم ەتتى.
سەنات ءتوراعاسى ءوز سوزىندە قازاقستاندا جالپى ىشكى ءونىمنىڭ تەڭ جارتىسىن وندىرەتىن ورتا تاپ وكىلدەرى سانىن كۇرت ارتتىرۋ جوسپارلانىپ وتىرعاندىعىن باسا ايتا كەلە: «قازاقستاندىقتاردىڭ ءومىر ءسۇرۋ ۇزاقتىعى ورتاشا 80 جاسقا جەتەدى. الەمدىك ساناتتاعى الدىڭعى قاتارلى ءبىلىم بەرۋ جۇيەسىن قۇرۋعا ەرەكشە نازار اۋدارىلاتىن بولادى. وسىلايشا، ءبىز قازاقستاندى ەڭ قاۋىپسىز ءارى قولايلى ەلگە اينالدىرعىمىز كەلەدى» ، - دەدى.
ق. توقايەۆتىڭ اتاپ وتۋىنشە، ەل ۇكىمەتىنىڭ بولجامىنا سايكەس قازاقستان ەكونوميكاسىنىڭ ءوسىمى اعىمداعى جىلى بەس پايىزدى قۇرايتىن بولادى. ال ج ءى ءو- ءنىڭ اتاۋلى كولەمى شامامەن 36 تريلليون تەڭگەگە جۋىقتايدى.
«ال التىن- ۆاليۋتا قورىمىز قازىرگى ءساتتىڭ وزىندە 105 ميلليارد دوللارعا جەتتى» ، - دەدى ول.
اۆتور : مارلان جيەمباي
