سولتۇستىك كورەيا بيلىگى ا ق ش ازاماتىن التى جىلعا سوتتادى

بۇگىن سولتۇستىك كورەيا مەملەكەتتىك تەلەگراف اگەنتتىگى «ەلگە تۋريست كەيپىندە كەلگەن» ميللەردىڭ «دۇشپاندىق ءىس- ارەكەتى» ءۇشىن ايىپتى دەپ تانىلعانى تۋرالى اقپارات تاراتتى.

سولتۇستىك كورەيا بيلىگىنىڭ حابارلاۋىنشا، بيىل ءساۋىر ايىندا پحەنيان اۋەجايىنا ۇشىپ كەلگەن سوڭ ميللەر «تۋريستىك ۆيزاسىن جىرتىپ تاستاپ، وزىنە ساياسي باسپانا سۇراعان» .

 قازىر سولتۇستىك كورەيادا كەمىندە تاعى ەكى ا ق ش ازاماتى -  46 جاستاعى تەگى كورەي ءدىني ميسسيونەر كەننەت بەي جانە 56 جاستاعى دجەففري فوۋل قاماۋدا وتىر. بەي «ۇكىمەتكە قارسى استىرتىن ءسوز بايلاسقان» دەگەن ايىپپەن 15 جىلعا ەڭبەك لاگەرىنە سوتتالعان. ال «دۇشپاندىق ءىس- ارەكەت» ايىبى تاعىلعان فوۋلدىڭ ءىسى بويىنشا سوت ءالى وتكەن جوق. كەيبىر حابارلارعا قاراعاندا، ول سولتۇستىك كورەيادا تۇنگى كلۋبتا ءىنجىلدى قالدىرىپ كەتكەن سوڭ قاماۋعا الىنعان.

«ازاتتىق»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى