قىمىزدىڭ قانشا ءتۇرى بار؟
ۋىز قىمىز - بيەنى العاش بايلاپ، جاڭادان اشىتىلعان قويۋ قىمىز.
ۋىز قىمىزدى اشىتۋعا قازى، جال مايى، تارى، بيداي، قۇرت، ايران، قاتىق، اشىعان كوجە، راۋعاش ت. ب. اشىتقى رەتىندە پايدالانىلادى.
بال قىمىز - جىلقىنىڭ ءسۇرى قازىسىن قوسىپ، ابدەن بابىنا كەلتىرىلىپ پىسىلگەن قىمىز. بۇل باسقا قىمىزعا قاراعاندا سارى ءارى قويۋ، ءدامدى، جۇعىمدى، تۇششى بولادى. قىمىزعا تاتتىلىك ءدام بەرۋ ءۇشىن بال، قانت، ورىك مەيىز قوسىپ تا پىسەدى. بال قىمىز كوبىنەسە سىرقات ادامعا، بالالارعا، سونداي-اق جاس بوسانعان ايەلدەرگە ارنالادى.
تاي قىمىز - ءبىر كۇن ساقتالعان قىمىز.
قۇنان قىمىز - ەكى-ءۇش كۇن ساقتالعان، تولىق اشىعان قىمىز.
ول ساۋمال ىشپەيتىن ادامدارعا بەرىلەدى. كەيدە ول اس پەن تويلارعا اپارۋ ءۇشىن، ۇزاق وتىرىستاردا ءىشىپ وتىرۋ ءۇشىن دايارلانادى.
دونەن قىمىز - ءۇش-ءتورت ءتۇن ساقتالعان وتە كۇشتى قىمىز.
بەستى قىمىز - ءتورت-بەس ءتۇن ساقتالىپ اشۋى ابدەن جەتكەن قىمىز. قىمىز تۇرلەرى مەن ەرەكشەلىكتەرىن حالىق جىلقى اتىنا بايلانىستىرا اتايدى.
مۇنىمەن قاتار ءشوپ بۋىنى قاتىپ، كۇزدە ساۋىلاتىن قىمىزدى «سارى قىمىز» دەيدى.
jasqazaq.kz
