مەكتەپتەردە «كوكا-كولا» ساتۋعا تىيىم سالماق
قوعامدىق پالاتانىڭ ءبىرىنشى ورىنباسارى ۆلاديسلاۆ گريب ر ف پرەمەر-ءمينيسترى دميتري مەدۆەديەۆكە مەكتەپتەردە، بالالار اۋرۋحانالارىندا، باسقا دا كامەلەتكە تولماعان بالالارعا ارنالعان مەكەمەلەردە ءتاتتى گازدالعان سۋسىندى ساتۋعا تىيىم ەنگىزۋ بويىنشا وتىنىشپەن جۇگىندى. ونىڭ پىكىرىنشە، «كوكا-كولا» مەن وسى ءتارىزدى سۋسىندار ۇلت دەنساۋلىعىنا كەرى اسەر ەتۋدە.
«قوعامدىق پالاتا مۇشەلەرى جاساندى بوياۋ، قوسپالار، حوش يىستەندىرگىشتەر قوسىلعان قاتتى گازدالعان الكوگولسىز قانتى بار سۋسىندى كۇندەلىكتى باقىلاۋسىز تۇتىناتىندار ءۇشىن الاڭداۋلى»، - دەلىنگەن حاتتا.
قوعام وكىلدەرى وسى ماسەلەدەگى الەمدىك تاجىريبەگە سۇيەنەدى، كەي ەلدەردە، ءبىرقاتار امەريكالىق شتاتتاردا بالالار مەكەمەلەرىندە گازدالعان سۋسىنداردى ساتۋعا زاڭمەن تىيىم سالىنعان. پروبلەمانىڭ جوعارى الەۋمەتتىك ماڭىزدىلىعىن ەسكەرىپ، ولار پرەمەر-مينيسترگە ر ف دەنساۋلىق ساقتاۋ مينيسترلىگىنە قاتتى گازدالعان الكوگولسىز قانتى بار سۋسىنداردى ءوندىرۋدى، تاراتۋدى، پايدالانۋدى رەتتەيتىن نورماتيۆتىك قۇقىقتىق اكتى جوباسىن ازىرلەۋدى تاپسىرۋدى سۇرايدى.
رەسەي دەنساۋلىق ساقتاۋ مينيسترلىگىندە ەگەر پرەمەر-مينيستر ۆەدومستۆوعا ءتيىستى وكىم بەرسە، دەنساۋلىق ساقتاۋ مينيسترلىگىنىڭ ماماندارى ماسەلەنى قولعا الاتىنىن ايتتى.
