مۇمكىندىگى شەكتەۋلى جاندار مەملەكەت كومەگىمەن كاسىپكەر اتانۋدا
ەكى جىل بۇرىن اياق-كيىم جوندەۋدى ۇيرەنىپ، شاعىن دۇڭگىرشەك اشتى.
«دامۋ» قورىنىڭ دەمەۋىمەن قايتارىمسىز گرانت الىپ، ءىشىن تولىق جابدىقتاپ العان.
ون جىل بۇرىن جازاتايىم جاعدايدا مۇگەدەك بولىپ قالعان جىگىت اعاسى سارى ۋايىمعا سالىنبادى. كەرىسىنشە، تىرشىلىگىن جاساپ، شاعىن دۇڭگىرشەك اشتى.
قولدا بار قۇرالدارىمەن اياق-كيىم جوندەي باستادى. بىلتىر «دامۋ» قورىنىڭ قولداۋىمەن كىلت جاسايتىن بىلدەك الدى. ونى دا تەز مەڭگەرىپ كەتتى. ال بيىل قۇنى 200 مىڭ تەڭگە تۇراتىن اياق كيىم ولشەمىن كەڭەيتەتىن قوندىرعىعا دا قول جەتكىزدى.
عاني سىرلىبايەۆ، اياق كيىم جوندەۋدىڭ شەبەرى:
- كاسىبىمە قاجەت بىلدەكتى «دامۋ» قورىنىڭ قولداۋىمەن الدىم، كومەك بەردى. جۇمىسىما سۇرانىس بار.
«وسى كاسىپتەن تۇسەتىن تابىسىم وتباسىمدى اسىراۋعا جەتەدى»، - دەيدى شەبەر. دەسە دە، تار دۇڭگىرشەكتى كەڭەيتىپ، ۇلكەن شەبەرحانا سالۋدى ارماندايدى. دۇڭگىرشەك تۇرعان اياداي جەردى جالعا الىپ وتىر. تاعى قوسىمشا شارشى مەتر سۇراپ، قالا اكىمدىگىنە ءوتىنىش جازىپتى. جاۋابىن كۇتۋدە.
عاني سىرلىبايەۆ، اياق كيىم جوندەۋدىڭ شەبەرى:
- دۇڭگىرشەكتىڭ ءىشى سۋىق جانە تار. جەرگىلىكتى اكىمدىككە ءوتىنىش ءبىلدىردىم.
«دامۋ» قورى مۇمكىندىگى شەكتەۋلى جانداردىڭ كاسىبىن اشۋىنا ءبىراز قولداۋ كورسەتتى.
2010 - جىلدان بەرى «دامۋ-كومەك» جوباسىمەن 50 مۇگەدەك جانعا گرانت بەرىلدى. بيىل تاعى 5 كاسىپكەر «جۇلدىزعا قارا» جوباسىنا ىلىكتى.
بەرىك نۇرعاليەۆ، «دامۋ» قورى وڭىرلىك فيليالىنىڭ باس مەنەدجەرى: - بۇل باعدارلاما بويىنشا «دامۋ» قورى تىكەلەي قارجىلاندىرمايدى، ياعني، وزىنە كومەك قاجەت ەتەتىن مۇمكىندىگى شەكتەۋلى جاندارمەن جانە الەۋەتتى دەمەۋشىلەر ورتاسىندا بايلانىس اتقاراتىن بۋىن رەتىندە قىزمەت اتقارادى.
ال شاعىن دۇڭگىرشەكتىڭ ىشىندە كاسىبىن دوڭگەلەتىپ وتىرعان عانيدى ەندى جەرگىلىكتى بيلىك قولداسا، ۇلكەن شەبەرحانانىڭ يەسى اتانباق.
24.kz
