شىعىس ەلدەرى تۇرعىندارىنىڭ ۇزاق ءومىر ءسۇرۋىنىڭ قۇپياسى اشىلدى
دەگەنمەن جاپون ديەتىن ساقتاعانمەن كەز كەلگەن ادام ءتيىستى ناتيجەلەرگە جەتە قويۋى ەكىتالاي. جاپونيا مەن قىتاي تۇرعىندارىنىڭ راتسيونىندا مال مايى بولمايتىنى جاسىرىن ەمەس. بۇل ەلدەردە ادامدار ەۋروپالىقتار سۇيەتىن ءسۇت، ەت، سارىماي، ىرىمشىك سياقتى تاعامداردى جەمەيدى.
شىعىس ادامدارى تاعامدارىنىڭ باستى ينگرەديەنتى - بالىق، ونىڭ كوبىن شيكىلەي جەيدى. كۇنشىعىس ەلى تاماققا بالىقتى عانا ەمەس، مولليۋسكىلەردى دە پايدالانادى. سونداي-اق ولاردىڭ راتسيونىندا ورگانيكالىق يود مول تەڭىز وسىمدىكتەرى، سونداي-اق تەڭىز مينەرالدارى دا بار. ايتالىق، مۇنداي وسىمدىكتەرگە ساڭىراۋقۇلاقتار مەن بالدىرلار جاتادى.
ارينە، ەگەر ەۋروپالىق ادامدار مۇنداي تاماق تۇرىنە اۋىسسا، ءوز دەنساۋلىعىن ەداۋىر نىعايتىپ، ورگانيزمىن تازارتارى ءسوزسىز. ءبىراق تا ءومىر ساپاسىن وزگەرتىپ، تاماقتانۋدى جاقسارتقانىمەن ەۋروپا تۇرعىنى قارتتىقتان قۇتىلا قويۋى قيىن. ونىڭ شەشۋى گەنەتيكالىق كودتا جاتىر. شىعىس ەلدەرىنىڭ تۇرعىندارى مۇنداي ءومىر سالتىن مىڭداعان جىلداردان بەرى ۇستانادى. سوندىقتان دا ولاردا بەلگىلى ءبىر گەنەتيكالىق كود پايدا بولعان.
