قاراعاندىلىق شاباندوز «التىن تۇلپار» بايگەسىنىڭ باس جۇلدەسىن قانجىعاسىنا بايلاندى

باس جۇلدەنى قاراعاندى وبلىسىنىڭ شاباندوزى امانگەلدى دۋمان جەڭىپ الدى. ال ەكىنشى ورىن شىمكەنتتىك سۇلەيمەن قۇلوۆكە بۇيىرسا، ءۇشىنشى ورىن جانە ءبىر قاراعاندىلىق ەركەبۇلان ەرماعانبەتوۆكە بەرىلدى. بۇدان بولەك، جۇلدەلەردىڭ ءبىر پاراسى مارە سىزىعىن كەسكەن العاشقى 9 تۇلپارعا دا بۇيىردى.

توقتالا كەتەيىك، تۋرنيردە استانا مەن الماتى قالالارى جانە رەسپۋبليكامىزدىڭ 14 وبلىسىنان ەلۋگە تارتا بايگە اتتارى باسەكەگە تۇسكەن بولاتىن. جارىسقا جىلقىنىڭ بارلىق تۇقىمدارى قاتىسىپ، جاسى 12 دەن اسقان شاباندوزدار تۇلپارلارىنا قونىپ، باقتارى مەن باپتارىن قاتار سىناعان.

تۋرنيردىڭ اشىلۋىندا «نۇر وتان» پارتياسىنىڭ حاتشىسى قۇمار اقساقالوۆ ەلىمىزدە تاۋەلسىزدىكتىڭ العاشقى كۇندەرىنەن بەرى ەلباسى نۇرسۇلتان نازاربايەۆتىڭ تىكەلەي قامقورلىعىمەن سالاماتتى ءومىر سالتىن قالىپتاستىرۋ مەن بۇقارالىق سپورتتى، ونىڭ ىشىندە، ۇلتتىق سپورت تۇرلەرىن دامىتۋ باعىتىندا جۇيەلى جۇمىستاردىڭ جاسالىپ كەلە جاتقانىن ايرىقشا اتاپ ءوتتى.

توقتالا كەتەتىن جايت، پارتيا ۇلتتىق سپورت ويىندارىنا قاتىستى باستامالارعا كومەكتەسۋگە ءاردايىم دايىن ەكەنىن دە دالەلدەپ كەلەدى. بۇل شارا دا ساياسي دوكتريناداعى ۇلتتىق قۇندىلىقتاردى ىسكە اسىرۋعا باعىتتالعان «كوكپار» مەن «اۋدارىسپاق»، «اسىق اتۋ»، «قازاقستان بارىسى» سىندى پارتيا قولداۋىمەن وتكىزىلگەن ۇلتتىق سايىستاردىڭ زاڭدى جالعاسى.

ال بايگەنى وتكىزۋدىڭ باستى ماقساتى - ەلىمىزدەگى ۇلتتىق ات سپورتىنا قىزىعۋشىلىقتى ارتتىرىپ، جاستاردى ۇلتتىق قۇندىلىقتاردى قۇرمەتتەۋگە باۋلۋ، ۇلتجاندىلىققا تاربيەلەۋ، ءداستۇرلى الامان بايگەنى كوپشىلىك سپورتىنا اينالدىرۋ. شارانى «نۇر وتان» پارتياسىنىڭ قولداۋىمەن ق ر ۇلتتىق سپورت تۇرلەرى قاۋىمداستىعى، ق ر مادەنيەت جانە سپورت مينيسترلىگى، باس دەمەۋشىسى «سامۇرىق- قازىنا» ۇلتتىق ءال- اۋقات قورى ۇيىمداستىرعان بولاتىن.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى