قازاق راديوسىنىڭ ارداگەرى دۇنيەدەن وزدى

سۆەتلانا ەسبولاي قىزى مۋسينا 1943-جىلى 22- قازاندا اقتوبە وبلىسى، العا اۋدانىندا دۇنيەگە كەلگەن.

اباي اتىنداعى قازاق پەداگوگيكالىق ينستيتۋتىنىڭ فيلولوگيا فاكۋلتەتىن ءتامامداعان. ەڭبەك جولىن مەملەكەتتىك «قازاقستان» باسپاسىندا رەداكتورلىقتان باستاعان. رەسپۋبليكا جوعارعى كەڭەسىندە، قازاق راديوسىندا كوپ جىلدار رەداكتور، اۋدارماشى قىزمەتىن اتقارعان. قازاق راديوسىنىڭ قالىپتاسىپ، دامۋىنا ولشەۋسىز ۇلەس قوسقان.

ول 1978-جىلدان ك س ر و جۋرناليستەر وداعىنىڭ مۇشەسى، سونداي-اق، «مۇسا اۋلەتى»، «رودنىي وچاگ» ءومىرباياندىق كىتاپتارىنىڭ جانە «انا ارمانى»، «سىر»، «ساعىنىش»، «نوستالگيا» اتتى اڭگىمەلەر جيناقتارىنىڭ اۆتورى.

ۇزاق جىلدار بويعى جەمىستى ەڭبەگى ءۇشىن س. ە. مۋسينا ۇكىمەتتىك گراموتالارمەن جانە مەدالدارمەن ماراپاتتالعان.

«قازاقستان» ر ت ر ك ا ق ۇجىمى مارقۇمنىڭ وتباسى مەن تۋعان-تۋىستارىنا قايعىرىپ، كوڭىل ايتادى»، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى