قارا- قابانىڭ جوعارعى اعىسىندا ەجەلگى تۇرىك ءداۋىرىنىڭ جاڭا ارحەولوگيالىق قازبالارى تابىلدى
پروفەسسور، تاريح عىلىمدارىنىڭ دوكتورى زەينوللا ساماشيەۆتىڭ باسشىلىعىمەن مارعۇلان اتىنداعى ارحەولوگيا ينستيتۋتىنىڭ استانالىق فيليالىنىڭ ەكسپەديتسياسى قارا- قابا وزەنىنىڭ جوعارعى اعىسىنان ءبىزدىڭ داۋىرگە دەيىن VII- VIII عاسىرعا جاتاتىن شاماندار كومبەسىن تاپتى، دەپ حابارلادى Altaynews.kz.
شىعىس قازاقستانداعى اتاقتا بەرەل قورىمدارىنا جاقىن قارا- قابا جوعارعى اعىسىندا قازبا جۇمىستارى ءبىرىنشى جىل جۇرگىزىلۋدە. تاريحشىلار ءۇشىن بۇل ورىننىڭ قۇندىلىعى جوعارى، سەبەبى وندا جەر استىندا ەجەلگى تۇرىك مادەنيەتىنىڭ جۇزگە جۋىق بىرەگەي ەسكەرتكىشتەرى بار. جۋىردا استانادان كەلگەن ارحەولوگتار توبى قاتون- قاراعايداعى دالا جۇمىستارى ماۋسىمىن اياقتادى. ماقتاناتىن جايىمىز بار، ەكى جىلدا قازبا جۇمىستارى كەزىندە ءۇش ءبىر- بىرىنە ۇقسامايتىن ەجەلگى ىشەكتى اسپاپ تاپتىق. بۇل بىزگە قوبىز بەن دومبىرانى ەسكە سالدى، - دەپ حابارلادى پروفەسسور زەينوللا ساماشيەۆ. - بارلىق قازىلعان وبالار - كەزىندە بەلگىلى بولعان ادامداردىڭ، ساربازداردىڭ قابىرى، سەبەبى ادامدارمەن بىرگە اتتار، قۇرباندىقتار قوسا جەرلەنگەن. باي سالت- جورالعىلىق ابزەلدەر تابىلدى.
- بۇل - بىرەگەي تاريحي ەسكەرتكىش. بۇل جەرگە شاماندار جەرلەنگەن دەپ بولجاپ وتىرمىز. باس سۇيەكتەگى بۇل ساڭىلاۋدى ماەديتسينالىق ماقساتتا ەمەس، ءدىني ماقساتتا - جوعارى الەممەن بايلانىسۋ ءۇشىن جاسايدى، - دەپ جالعاستىردى ز. ساماشيەۆ. - باس سۇيەكتى تەسكەندە شاماندار قاتتى قينالدى، ترانسقا ءتۇستى، ونى اينالاسىنداعىلار ارۋاقپەن بايلانىسقا ءتۇستى دەپ قابىلداعان. پروفەسسور ءدىندارلار جوعارى دارەجەلى بولعان دەپ بولجايدى. قابىردە تابىلعان بەلگىلەردەن ولاردىڭ اسكەر بولعانىن، مۋزىكالىق اسپاپتاردا ويناعاندىعىن بايقاۋعا بولادى. ارحەولوگتىڭ ايتۋىنشا، قورىمنان اسكەر قارۋلارى، تەمىر دۋلىعا، قىلىش، قانجار، بالتا، ساداق جانە ت. ب. تابىلعان.
بەرەل - الەمدىك دەڭگەيدەگى ەسكەرتكىش. بەرەل قورعانى يۋنەسكو دۇنيەجۇزىلىك مادەني مۇرا تىزىمىنە ەنگەنىن قالايمىز. بۇل جۇمىس اسا ىجداعاتتىلىقتى قاجەت ەتەدى، دەدى ول.
