جول-كولىك وقيعالارى جۇما كۇنى ءجيى بولادى - باس پروكۋراتۋرا

"جول-كولىك وقيعالارىنىڭ ەلەۋلى سانى دەمالىس كۇنىنىڭ الدىندا بولادى، سەبەبى الداعى دەمالىس كۇندەردە دەمالىسقا نە باسقا دا وتباسىلىق جاعدايمەن قالادان تەز شىعۋعا نەمەسە كەرى قايتۋعا جۇرگىزۋشىنىڭ اسىعۋى قوزعالىس قارقىندىلىعىنىڭ جوعارىلاۋىنا اكەپ سوعادى. ناتيجەسىندە جول قوزعالىسى ەرەجەسى، اسىرەسە، جىلدامدىق ءتارتىبىن ساقتاۋ تالاپتارى بۇزىلادى"، - دەلىنگەن حابارلامادا.

ۆەدومستۆونىڭ مالىمەتىنشە، الدىڭعى جىلمەن سالىستىرعاندا وقيعالار سانى % 3,6 عا، قازا بولعان ادامدار سانى % 13,8 عا ازايدى.

"رەسپۋبليكادا 2014 - جىلدىڭ 8 ايىندا 12630 جول-كولىك وقيعاسى تىركەلدى، ولاردىڭ سالدارىنان قازا بولعاندار مەن جاراقات العانداردىڭ سانى - 17690 ادام. جول اپاتى زاردابىنان قايتىس بولعان 1572 ادامنىڭ 1163 ى  ەر ادام جانە 409 ى - ايەل، ونىڭ ىشىندە، 163 ى كامەلەتكە تولماعان، ال جاراقات العان 16118 ادامنىڭ 8775 ى - ەر ادام جانە 7343 ى - ايەل، ونىڭ ىشىندە، 1950 ى - كامەلەتكە تولماعان"، - دەلىنگەن باسپا ءسوز پاراعىندا.

كوميتەتتىڭ مالىمەتىنشە، ەڭ قاۋىپتى جولدار - الماتى قالاسىندا، مۇندا 3555 وقيعا بولىپ، سالدارىنان 3555 ادام جاپا شەكتى. وڭتۇستىك قازاقستاندا 2081، الماتى وبلىسىندا 1114، شىعىس قازاقستان وبلىسىندا 882 جانە جامبىل وبلىسىندا 795 وقيعا تىركەلدى. جول-كولىك وقيعاسىنان قازا تاپقاندار الماتى وبلىسىندا كوپ بولدى - 276 ادام، وڭتۇستىك قازاقستاندا 257، جامبىل وبلىسىندا 140، شىعىس قازاقستان وبلىستارىندا 107 جانە الماتى قالاسىندا 108 ادام قايتىس بولدى.

"تالداۋ كورسەتكەندەي، جول اپاتىنىڭ بولۋ سەبەپتەرى سول بۇرىنعى كۇيىندە ياعني كوبىنەسە، جول جۇرگىزۋ ەرەجەلەرىن ورەسكەل بۇزاتىن جۇرگىزۋشىلەردىڭ كىناسىنەن بولىپ جاتادى، اتاپ ايتقاندا، جىلدامدىقتى ارتتىرۋ سەبەبىنەن 3357، جاياۋ جۇرگىنشىلەردىڭ جولدان ءوتۋ ءتارتىبىن بۇزۋ سەبەبىنەن 1032، قارسى قوزعالىس جولىنا شىعۋدان 733، كولىك قۇرالىن ماس كۇيدە باسقارۋدىڭ سالدارىنان 471 وقيعا بولدى. 526 وقيعا جاياۋ جۇرگىنشىلەردىڭ جولداردىڭ بەلگىلەنبەگەن بولىكتەرىنەن ءوتۋى سالدارىنان بولعان"، - دەلىنگەن باسپا ءسوز پاراعىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى