الماتىدا ەڭ جوعارى جالاقى الاتىن مامان يەلەرى انىقتالدى

زەرتتەۋ ناتيجەسى بويىنشا 2014 - جىلدىڭ جاز مەزگىلىندە ەڭ جوعارى جالاقى تولەلەۋگە دايىن ۇسىنىستار انىقتالدى.

بۇل تۋرالى HeadHunter كومپانياسىنىڭ باسپا ءسوز مالىمدەمەسىندە حابارلانعان.

«ەڭ جوعارى جالاقى اقتوبە قالاسىندا سەرۆيستىك قىزمەت باسشىلىعىنىڭ مىندەتىن ورىنداۋعا دايىن ادامعا تولەۋگە دايىن ەكەندەرى انىقتالدى. بۇل ورىنعا ءبىر جارىم ميلليون تەڭگەگە دەيىن جالاقى بەرىلەدى. ال وسى سومادان ءسال ازىراق ايلىقتى استانا قالاسىنداعى بولاشاق باس مەنەدجەرگە تولەۋگە دايىن. ءۇشىنشى ورىندا الماتى قالاسىنداعى IT-سالاسىنداعى مامانعا 1 ميلليون 215 مىڭ تەڭگە تولەيتىن ۇسىنىس ورنالاستى»، - دەلىنگەن حابارلامادا.

سونىمەن قاتار، ميلليون تەڭگەنى قۇرايتىن جالاقىنى Senior Officer، Corporate Collections (بانك سالاسى)، HR- ديرەكتور (قىزمەتكەرلەردى باسقارۋ)، اۆتوموبيل ساتۋ سالاسىندا ديرەكتور قىزمەتى (اۆتوموبيل بيزنەسى)، ساتۋ سالاسىنداعى ديرەكتور، ارحيتەكتور (ينجەنەر-كەڭەسشى) جانە قوناق ۇيدە باسقارۋشى ماماندارىنىڭ يەلەرى الۋ مۇمكىندىگىنە يە.

«ەڭ جوعارى جالاقىنى باسشىلىق قىزمەتتى اتقارۋعا دايىن ادامدار الادى. سونىمەن قاتار، ءوز مامانىن جاقسى مەڭگەرگەن تۇلعالار جەتىسپەيتىن مەكەمەلەر بىلىكتى قىزمەتكەرگە جوعارى جالاقى تولەيدى. ال ساتۋ سالاسىنداعى جوعارى جالاقىنى جاقسى ناتيجە كورسەتكەندەر الاتىنى بەلگىلى»، - دەدى HeadHunter قازاقستان كومپانياسىنىڭ PR جانە ماركەتينگ ءبولىمىنىڭ ديرەكتورى اسەل بەجەنوۆا.

زەرتتەۋ جۇمىستارى 1 - ماۋسىم مەن 31 - تامىز ارالىعىندا جۇرگىزىلدى.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى