جاپونيادا الەمدەگى العاشقى كوزدىڭ تورلى قاباتىن اۋىستىرۋ وتاسى جاسالدى
ول وزەك جاسۋشاسىنان الىندى.
وتا جاسالعاننان كەيىن ءبىر تاۋلىكتەن سوڭ وڭ ناتيجە بەردى.
بۇل تۋرالى ءادىستى كلينيكالىق سىناق وتكىزگەن جاپوندىق مەملەكەتتىك جاراتىلىس تانۋ عىلىمدارى ينستيتۋتىنان حابارلادى.
وتا بارىسىندا ماماندار ماكۋلوديستروفيامەن اۋىراتىن 70 جاستاعى ناۋقاستىڭ كوزىنىڭ تورلى قاباتىن اۋىستىردى. ايەل «كورۋ اياسى جارىقتانا تۇسكەنىن ايتقان». ريكەن مۇنى ويداعىداي ناتيجە دەپ باعالاۋدا.
سونىمەن بىرگە عالىمدار مۇنداي وزگەرىس كوز شاراسىنان قان دەنەشەلەرىنىڭ اعۋىنان دا بولۋى مۇمكىن ەكەنىن ايتادى. سوندىقتان ناقتى تۇجىرىم شىعارۋعا ازىرگە ەرتەرەك.
ماكۋلوديستروفيا كوزدىڭ تورلى قاباتىن زاقىمدايدى جانە ەگدە ادامداردىڭ سوقىر بولىپ قالۋىنىڭ نەگىزگى سەبەپتەرىنىڭ ءبىرى. بۇگىنگى كۇنى بۇل اۋرۋدى ەمدەۋ ادىستەرى تەك ونىڭ سەبەپتەرىن ۋاقىتشا جويا الادى.
