اقتاۋ حالىقارالىق تەڭىز ساۋدا پورتىن كەڭەيتۋ جۇمىستارى جالعاسۋدا

 قازىر مۇندا سۋدىڭ ءتۇبى تەرەڭدەتىلىپ، ميلليون توننالىق بىرنەشە قۇرعاق جۇك تەرمينالى سالىنىپ جاتىر. جوبانى جۇزەگە اسىرۋداعى ماقسات -  اقتاۋ پورتى ارقىلى تاسىلاتىن جۇك كولەمىن جىلىنا 20 ميلليون تونناعا جەتكىزۋ.

قازاقتىڭ تەڭىزگە شىعار قاقپاسى سانالاتىن اقتاۋ حالىقارالىق تەڭىز ساۋدا پورتى دامۋدىڭ جاڭا كەزەڭىنە اياق باسقالى تۇر. پورت سولتۇستىك باعىتقا قاراي كەڭەيتىلۋدە. شامامەن 50 گەكتارعا ۇلعاياتىن بولادى. بۇل جوباعا ق ر ۇكىمەتى ۇلكەن ءۇمىت ارتىپ وتىر. سەبەبى، بۇگىنگى اقتاۋ پورتىنىڭ تەحنيكالىق مۇمكىندىگى جىلىنا 11 ميلليون توننا عانا جۇكتى وڭدەۋگە ەسەپتەلگەن. ال سۇرانىس بۇدان 2 ەسە جوعارى. پورتتىڭ وندىرىستىك قۋاتى ارتسا، حالىقارالىق ساۋدا قاتىناسى ۇلعايا تۇسەدى. بۇل ءوز كەزەگىندە ەل ەكونوميكاسىنىڭ جاقسارا تۇسۋىنە مۇمكىندىك بەرمەك.

 پورت كەڭەيتىلگەن سوڭ، اقتاۋ تەڭىز پورتى ارقىلى قىتايدان، رەسەي مەن پارسى شىعاناعى ەلدەرىنەن جانە ءوز ەلىمىزدەن مۇناي، استىق، ءتۇرلى مەتالدار مەن ترانزيتتىك جۇكتەر لەك- لەگىمەن تاسىمالداناتىن بولادى. كاسپيي تەڭىزىندە ونشاقتى پورت بولسا، اقتاۋ پورتى دامۋ قارقىنى جاعىنان سولاردان كوش ىلگەرى تۇر. كاسپي باسسەينىندەگى جالپى جۇك تاسىمالى كولەمىنىڭ 1/4 اقتاۋ پورتىنىڭ ۇلەسىندە ەكەن. پورتتى كەڭەيتۋ جۇمىستارى اياقتالعان كەيىن بۇل كورسەتكىش ەسەلەنە تۇسپەك.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى