رەسپۋبليكالىق «التىن تۇلپار» الامان بايگەسىنە دايىندىق قىزۋ جۇرۋدە - فوتو

جارىستىڭ باستى ەرەكشەلىگى - اتتار قازاقتىڭ سايىن دالاسىندا جارىسادى. ياعني يپپودرومداعىداي ارنايى جەر توسەلمەگەن، اتتار كەزىندەگى ساعىنايدىڭ اسىندا سياقتى جازىق دالادا جارىسادى، دەيدى ۇيىمداستىرۋشىلار.

 قازىرگى ۋاقىتتا جارىس الاڭىنا ءتۇسىرىلىم توبى كورسەتىلىمگە قاجەت قوندىرعىلاردى ورناتۋدا. جارىس جولىنا 5 جىلجىمالى تەلەۆيزيالىق ستانسيا قويىلدى. ات جارىسىن بارلىعى 16 كامەرا تۇسىرەدى. اتتاردىڭ شابىسىن تاماشالاۋ ءۇشىن 1 تىكۇشاق پايدالانىلادى.

سونىمەن قاتار، كورەرمەندەرگە ارنالعان ورىندار قويىلىپ، كيىز ۇيلەر تۇرعىزىلىپ جاتىر.

مارەگە جەتكەن 10 تۇلپارعا دا جۇلدە بۇيىرادى. جارىس جەڭىمپازدارى «قۇلاگەر»، «بايشۇبار»، «قۋباس» ، «قاراقاسقا» ، «اقتابان»، «بوز اۋىز»، «تايبۋرىل»،  «كوكبۋرىل» ، «شالقاسقا» ، «تارلان ات» نوميناتسيالارى بويىنشا ديپلوم جانە قارجىلاي سىيلىقتارمەن ماراپاتتالادى.

وسى شارا اياسىندا «ات سىنشىسى» بايقاۋى ۇيىمداستىرىلادى. اتا ءداستۇرىن جالعاپ، شىن جۇيرىكتى جازباي تانىعان سىنشىلارعا «تولىباي سىنشى» ، «كۇرەڭباي سىنشى» ، «كەيحاۋىس سىنشى» اتىنداعى ارنايى جۇلدەلەر تاعايىندالدى. جارىسقا الماتى وبلىسىنىڭ اتاقتى سىنشىسى ناركەن اتا دا كەلگەن.

تۋرنير جەكسەنبى، 14 - قىركۇيەك كۇنى استانا قالاسىنان 30 شاقىرىم جەردە ورنالاسقان قابانباي ەلدى مەكەنىنىڭ ماڭىندا وتەدى.

«قازاقستان» ارناسى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى