قانات يسلام قازاقستانعا كەلدى
دەپ حابارلايدى Bnew.kz ءتىلشىسى.
تۇنگى 2:00 دە وتباسىمەن بىرگە الماتى اۋەجايىنا كەلىپ قونعان قانات يسلامدى تۋىسقاندارىمەن قاتار ءبىر توپ جۋرناليستەر قارسى الدى.
وتانداسىمىز تامىزدىڭ باسىندا كولۋمبيادا وتكەن سوڭعى جەكپە- جەگىندە جەرگىلىكتى بوكسشى فيدەل مونتەرروسا مۋنوستى نوكاۋتپەن جەڭگەنى بەلگىلى. 18 كەزدەسۋىن دە جەڭىسپەن اياقتاعان قانات قىسقا مەرزىمدى دەمالىسىن جانۇياسىمەن بىرگە قازاقستاندا وتكىزۋدى جوسپارلاپ وتىر.
ۋاقىتشا دەمالىسقا ەلگە كەلگەن كۇرزى جۇدىرىق يەسى ەكىنشى رەت «قامشى» پورتالىنىڭ ينتەرنەت- كونفەرەنتسيا قوناعى بولىپ، وقىرماندارمەن اشىق سۇحبات وتكىزبەك.
ەستەرىڭىزگە سالامىز، WBA FEDECARIBE تۇجىرىمىنىڭ چەمپيونى قانات بۇگىنگە دەيىن 18 كەزدەسۋ وتكىزىپ، بارىندە جەڭىسكە جەتتى، 15 جەكپە- جەگىن نوكاۋتپەن اياقتادى. سوڭعى جەڭىسىنەن كەيىن WBA رەيتينگىندە 7 - ساتىعا كوتەرىلگەن قانات يسلامنىڭ الەم چەمپيونى اتاعىنا تالاسۋ مۇمكىندىگى بار، ول ءۇشىن قانداسىمىز رەيتيگنگى جوعارى تاعى 22 بىلعارى قولعاپ شەبەرىن شارشى الاڭدا جەڭۋى كەرەك. ماياميدە جاتتىعىپ جۇرگەن قانات يسلام ءۇش بالانىڭ اكەسى، ازىرگە كەنجەسى ا ق ش- تا دۇنيەگە كەلگەن.
