قازاق ونەرىنىڭ ساڭلاقتارى: عاريفوللا قۇرمانعاليەۆ
باتىس قازاقستان وبلىسىنىڭ قاراتوبە اۋدانىندا دۇنيەگە كەلدى. انشىلىك ونەرگە بەيىمدىلىگى بالا كەزىنەن بايقالدى.
ۇلى مۇحيتتىڭ شاكىرتتەرى شىنتاس پەن شايقىدان ءدارىس الدى. 1934 - جىلى الماتىدا وتكەن حالىق كوركەمونەرپازدارىنىڭ ءبىرىنشى بۇكىل قازاقستاندىق سلەتىنە قاتىستى. سول جىلى قازاقتىڭ مۋزىكالىق دراما تەاترىنىڭ (ءقازىر قازاقتىڭ وپەرا جانە بالەت تەاترى اتالادى) قۇرامىنا قابىلداندى. قۇرمانعاليەۆ ە. برۋسيلوۆسكيدىڭ «ەر تارعىن»، "ايمان- شولپان"، "قىز جىبەك"، م. تولەبايەۆتىڭ ء"بىرجان- سارا"، ا. جۇبانوۆ پەنل. حاميديدىڭ "اباي" وپەرالارىندا كۇردەلى پارتيالار مەن رولدەردى وينادى. ونىڭ ورىنداۋىندا حالىق اندەرى اسقاق تا اسەم اۋەزىمەن اسپان استىن تولتىرا سورعالاي شىرقادى. ول ءاربىر اۋەندى اۋەلەتە سالعان سايىن وعان جان مەن جۇرەك ءبىتىرىپ، داۋىس سازىنا دالانىڭ ۇلانعايىر دارقاندىعىن ءوز كوڭىل تولقىنىسىمەن ۇشتاستىرا سيعىزىپ جىبەرەتىن. عاريفوللا اڭىراتىپ، جامىراتىپ ءان توكپەلەتكەن كەزدە تىڭداۋشىنىڭ كوز الدىنا ارقىراعان ارعىماقتار مەن اسا كيەلى ارۋانالار دالاسىنىڭ كەسكىن- كەلبەتى كەلەدى. اقتارىلا تاسىعان اق جارما وزەندەر مەن اعىن سۋلار اۋەنى قىران قۇستاردىڭ قانات قاعىسى، الىپ تاۋلار اسقاقتىعى، اقيىق اقىن ماحامبەت جىرىنىڭ اتويى بار بوياۋىمەن، ىشكى رۋح نار- ناقىشىمەن عارەكەڭنىڭ ءوز جۇرەك تۇكپىرىنەن شىعىپ جاتاردى. ول ءوزى نەگىزىن سالىپ كەتكەن انشىلىك مەكتەپتىڭ وسىنداي وزگەشە ورىنداۋشىلىق شەبەرلىكتى قاجەت ەتەتىن دارا قاسيەتتەرى بار. ع. قۇرمانعاليەۆ ءان ساپارىمەن تورتكۇل دۇنيەنىڭ تالاي ەلدەرىندە بولىپ، سان- سان ساحنالاردان ۇلتتىق مۋزىكالىق سالت- ءداستۇرىمىزدىڭ بايلىعىن پاش ەتتى. 1967 - جىلدان باستاپ رەسپۋبليكالىق ونەر جانە سيرك ستۋدياسىندا ساباق بەردى. ونىڭ وتاندىق مادەنيەتكە سىڭىرگەن وراسان زور ەڭبەگى الدەنەشە مارتەمەملەكەتتىك ماراپاتتارمەن باعالاندى.
