الەمدە اسكەري قاقتىعىستاردىڭ كوبەيۋى ءبىزدى الاڭداتادى - س. احمەتوۆ

بۇگىن «وڭتۇستىك» وڭىرلىك قولباسشىلىعىنىڭ «گۆارديالىق» گارنيزونىنا جۇمىس ساپارىمەن كەلگەن ق ر قورعانىس مينيسترى سەرىك احمەتوۆ وسىلاي دەپ مالىمدەدى.

ونىڭ ايتۋىنشا، قازىرگى تاڭدا الەمدە كۇردەلى اسكەري-ساياسي جاعداي قالىپتاسقان. 

«ءبىز الەمنىڭ ءار تۇكپىرىندە ورىن الىپ جاتقان شيەلەنىستى جاعدايلارعا كۋا بولىپ جۇرمىز. اسىرەسە، قارۋلى قاقتىستىردىڭ سانى ارتۋدا. بۇل ارينە، ءبىزدى الاڭداتپاي قويمايدى»، - دەدى س. احمەتوۆ.

جاس وفيسەرلەر الدىندا سويلەگەن سوزىندە ق ر قورعانىس ءمينيسترى سونىمەن قاتار، اسكەري قىزمەتشىلەردىڭ دەندەرى ساۋ بولىپ، دەنە كۇشتەرى تولىسىپ، مىقتى بولعان سايىن قازاقستاننىڭ قارۋلى كۇشتەرى دە قۋاتتى بولا تۇسەتىڭدىگىن جەتكىزدى.

«اسكەري قىزمەتشى ءومىر بويى سپورتپەن اينالىسۋى ءتيىس. بۇل تالاپ تەك جاس وفيسەرلەرگە عانا ەمەس، بۇكىل وفيسەرلەر كورپۋسىنا دا تيەسىلى. بۇل - زامان تالابى! وفيسەر جان-جاقتى دامۋى ءتيىس. جانە ەڭ باستىسى، اسكەري قىزمەتشى ءوز وتانىنىڭ پاتريوتى بولۋى كەرەك! بيىل كۇزدە قازاقستاندا العاشقى اسكەري-پاتريوتتىق فورۋم وتەدى. وندا اسكەري-پاتريوتتىق تاربيەنىڭ دامۋ تۇجىرىمداماسى جان-جاقتى تالقىلاناتىن بولادى»، - دەدى قورعانىس ءمينيسترى.

اۆتور: جاپپاربەرگەن ايبوت

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى