ن. نازاربايەۆ ش ى ۇ ەلدەرىن ەكسپو كورمەسىنە قاتىسۋعا شاقىردى
بۇل تۋرالى بۇگىن دۋشانبەدە شاڭحاي ىنتىماقتاستىق ۇيىمىنا مۇشە- مەملەكەتتەر باسشىلارى كەڭەسىنىڭ كەڭەيتىلگەن قۇرامداعى وتىرىسىندا ەلباسى نۇرسۇلتان نازاربايەۆ ءمالىم ەتتى.
«جاڭا باعىت ش ى ۇ- نىڭ ەنەرگەتيكالىق كلۋبىنىڭ ىسكە قوسىلۋى بولىپ تابىلادى. قازاقستان كلۋبتىڭ ءبىرىنشى ءتوراعاسى رەتىندە جوعارى دەڭگەيدەگى توپتىڭ وتىرىسىن ۇيىمداستىردى. تاراپتاردىڭ اعىمداعى جىلدىڭ قاراشاسىندا استانادا وتەتىن «جاڭاراتىن ەنەرگيانى دامىتۋ جانە پايدالانۋ پەرسپەكتيۆالارى» تاقىرىبىنداعى كونفەرەنتسياعا بەلسەندى قاتىسۋىن كۇتەمىز» ، - دەدى مەملەكەت باسشىسى.
ەلباسى 2017 - جىلى استانادا «بولاشاقتىڭ ەنەرگياسى» تاقىرىبىمەن «ەكسپو» حالىقارالىق مامانداندىرىلعان كورمەسىنىڭ وتەتىندىگىن ەسكە سالدى.
«قۇرمەتتى ارىپتەستەر ءبىز سىزدەردى قاتىسۋعا شاقىرامىز» ، - دەدى ن. نازاربايەۆ ارىپتەستەرىنە قاراتا.
اۆتور: مارلان جيەمباي
