قازاقستاندىق مامان مەن قىتاي مامانىنىڭ جالاقىسىندا ەش ايىرما جوق - ارحيمەد مۇحامبەتوۆ

 بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە جۋرناليستەر ساۋالىنا اقتوبە وبلىسىنىڭ اكىمى ارحيمەد مۇحامبەتوۆ وسىلاي جاۋاپ بەردى.

«جالپى، قازىرگى كۇنى «اقتوبە مۇنايگاز» كومپانياسىندا 7 مىڭعا تارتا ادام جۇمىس جاسايدى. سونىڭ 6-7 پايىزى عانا قىتايلىق. ولاردىڭ بارلىعى ەلىمىزگە زاڭدى تۇردە، كۆوتا ارقىلى كەلىپ جاتىر. مۇنى قۇزىرلى ورگاندار باقىلاۋدا. ەشقانداي زاڭبۇزۋشىلىقتار ورىن العان ەمەس» ، - دەدى وبلىس باسشىسى.

دەگەنمەن، اكىم سەرۆيستىك كومپانيالاردا زاڭبۇزۋشىلىقتاردىڭ ورىن العانىن جوققا شىعارمايدى. ولاردا جەرگىلىكتى جۇمىسشى مەن قىتايلىق مامان اراسىنداعى جالاقىنىڭ ايىرماشىلىعى انىقتالىپ، ءتيىستى شارا قابىلدانعان.

«قازىرگى ۋاقىتتا قىتايلىق مامان مەن قازاقستاندىق ماماننىڭ، مەيلى ول بۇرعىلاۋشى، مەيلى ينجەنەر بولسىن، قاراپايىم جۇمىسشى بولسىن، بارلىعىندا جالاقى بىردەي» ، - دەدى ا. مۇحامبەتوۆ.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى