قازاق ونەرىنىڭ ساڭلاقتارى: روزا باعلانوۆا
قىزىلوردا وبلىسىنىڭ قازالى قالاسىندا 1922 - جىلى ءبىرىنشى قاڭتاردا تۋعان. ونەر جولىن تاشكەنت فيلارمونياسىنىڭ ءان- بي انسامبلىندە ءانشى بولىپ باستاعان. سول انسامبلمەن 2-دۇنيەجۇزىلىك سوعىس جىلدارى مايدان دالاسىندا ونەر كورسەتىپ، 1945 - جىلى توعىزىنشى مامىردا بەرليندەگى جەڭىس كونتسەرتىنە قاتىسادى. 1947 - 1949 - جىلدارى قازاق وپەرا جانە بالەت تەاترىنىڭ ، 1949 - 1960 - جىلدارى قازاق فيلارمونياسىنىڭ، 1960 - جىلدان قازاقكونتسەرتتىڭ ءانشىسى بولىپ، ۇلتتىق ءان ونەرىن دامىتۋعا ۇلكەن ۇلەس قوستى، ەرەكشە سازدى انشىلىك مەكتەپتىڭ قالىپتاسۋىنا ىقپال جاسادى. روزا باعلانوۆا قازاقتىڭ حالىق اندەرىن، زامانداس كومپوزيتورلار اندەرىن، شەت ەل حالىقتارىنىڭ (ۆەنگر، وزبەك، قىرعىز، تاجىك، ۋكراين، گرۋزين، ءازىربايجان، كورەي، قىتاي، موڭعول، ورىس، ءۇندى، چەح، شۆەد، ت. ب. ) اندەرىن ناقىشىنا كەلتىرە ورىندادى. 1946 - جىلى ماسكەۋدە وتكەن بۇكىل وداقتىق ەسترادا انشىلەرى 2- كونكۋرسىنىڭ ديپلوماتى، 1949 - جىلى بۋحارەستە وتكەن بۇكىل دۇنيەجۇزىلىك جاستار مەنستۋدەنتتەردىڭ 2- فەستيۆالىنىڭ لاۋرەاتى. لەنين، ەڭبەك قىزىل تۋ، «حالىقتار دوستىعى» وردەندەرىمەن، شاپاعات مەدالىمەن ماراپاتتالعان .
1922 - جىلى قىزىلوردا وبلىسىندا تۋعان. 1941 - جىلى قىزىلوردا پەداگوگيكالىق ينستيتۋتىن بىتىرگەن. ونىڭ شىعارماشىلىق جولى ۇلى وتان سوعىسى جىلدارى باستالدى. 1945 - جىلى 9 - مامىردا بەرليندەگى جەڭىس كونتسەرتىنە قاتىسقان. 1947-1949 ج ج. اباي اتىنداعى قازاقتىڭ مەملەكەتتىك اكادەميالىق وپەرا جانە بالەت تەاترىندا ىستەيدى . 1949 - جىلى بۋحارەستتەوتكەن بۇكىل دۇنيەجۇزىلىك جاستار مەن ستۋدەنتتەردىڭ 2- فەستيۆالىنىڭ لاۋرەاتى اتاندى. 1949-1960 ج ج. جامبىل اتىنداعى رەسپۋبليكالىق فيلارمونيادا جۇمىس ىستەدى. 1960 - جىلدان قازاق كونتسەرت سوليسى. روزا باعلانوۆا سيرەك تالانتتى ءانشى، الەم حالىقتارى اندەرىن شەبەر ورىنداۋشى. ول بۇكىل قازاقستاندا، ك س ر و- نىڭ بۇرىنعى رەسپۋبليكالارىندا، شەتەلدەردە بولىپ، وتان، ماحاببات پەن دوستىق، ادام مەن تابيعات تۋرالى اندەردى شىرقادى. گاسترولدىك ساپارعا شىعاردا ر. باعلانوۆا مىندەتتى تۇردە سول باراتىن ەلىنىڭ تىلىندەگى ءاندى ۇيرەنەدى. ءبىراق، قازاقتىڭ حالىق اندەرىن ونىڭ ورىنداۋىندا تىڭداۋ ءلاززاتىنا ەشتەڭە تەڭ كەلمەيدى.
روزا باعلانوۆا 2011-جىلى قاڭتاردىڭ 8 ىندە الماتى قالاسىندا قايتىس بولدى .
ءانشىنىڭ ورىنداۋىنداعى ابايدىڭ «جەلسىز تۇندە جارىق اي» ، كومپوزيتور م. تولەبايەۆتىڭ اقىن ولەڭىنە جازعان «قاقتاعان اق كۇمىستەي كەڭ ماڭدايلى» ، س. مۇحامەدجانوۆتىڭ «جارق ەتپەس قارا كوڭلىم نە قىلسا دا» ، «قيىستىرىپ ماقتايسىز» اندەرى قازاق راديوسى فونوتەكاسىندا ساقتاۋلى، بىرنەشە رەت كۇيتاباققا جازىلعان.
