سيرياعا سوعىسۋعا اتتانعان قىرعىز ازاماتتارى قازا تاپتى
قىرعىزستان مەملەكەتتىك ۇلتتىق قاۋىپسىزدىك قىزمەتىنىڭ باسپا ءسوز حاتشىسى راحات سۋلايمانوۆتىڭ ايتۋىنشا، راستالعان رەسمي مالىمەتتەرگە ساي، قازىر سيرياداعى سوعىس قيمىلدارىنا 90 نان اسا قىرعىزستاندىقتار قاتىسىپ جاتىر.
"ولاردىڭ اراسىندا ايەلدەر دە بار. تۇركيانىڭ ارنايى قىزمەتىمەن بىرلەسىپ ەكى ايەلدى قىرعىزستانعا قايتاردىق. ول ەكەۋى پسيحولوگيالىق وڭالتۋدان وتكەن، قازىر تۋىستارىنىڭ جانىندا" دەيدى راحات سۋلايمانوۆ.
مەملەكەتتىك ۇلتتىق قاۋىپسىزدىك كوميتەتىنىڭ دەرەگىنشە، سيرياعا سوعىسقا كەتكەندەردىڭ كەيبىرى ول ەلگە "ءوز ۇستانىمدارىن باسشىلىققا الىپ"، كەيبىرى "ەكسترەميستەرگە الدانىپ" بارعان.
ارنايى قىزمەت ەكسترەميستىك توپتار تۇرعىنداردى "وقۋعا، ءيا جۇمىسقا اپارامىز دەپ سيرياعا اكەتەدى" دەيدى.
«ازاتتىق»
