سولتۇستىك قازاقستاندا قاتەرلى ىسىككە شالدىققاندار سانى ارتىپ وتىر - فوتو
بۇل تۋرالى اتالعان مەكەمەنىڭ باس دارىگەرى ەرمەك ءابدريموۆ ءمالىم ەتتى.
«2013 - جىلدىڭ قورىتىندىسى بويىنشا، 100 مىڭ تۇرعىنعا شاققاندا 311,5 اۋرۋ تىركەلگەن بولاتىن. قازىرگى ۋاقىتتا بۇل سان 8 ايدىڭ قورىتىندىسى بويىنشا، بىلتىرعى جىلعى ءدال وسى كەزەڭدە تىركەلگەن كورسەتكىشتەن 11 پايىزعا ارتىق. رەسپۋبليكا بويىنشا سوڭعى 3 جىلدا 100 مىڭ تۇرعىنعا شاققاندا پايىزدىق كورسەتكىشپەن قاتەرلى ىسىك اۋرۋى بويىنشا الدىڭعى ورىندامىز»، - دەدى ەرمەك ءابدريموۆ.
ونكوديسپانسەردە 9 مىڭداي ادام تىركەۋدە تۇر. جىلىنا 5000 ادام دارىگەرلەردىڭ كومەگىنە جۇگىنەدى. سونىمەن قاتار، 46 مىڭ سولتۇستىك قازاقستاندىق امبۋلاتوريالىق تەكسەرىلۋدەن وتەدى.
ناۋقاستارعا ساپالى ەم كورسەتۋ ءۇشىن ديسپانسەر قازىرگى زامان تالاپتارىنا ساي تەحنيكالارمەن جابدىقتالعان. جاقىندا عانا 11 ميلليون 600 تەڭگەگە گەرمانيالىق تەحنيكا كەشەنى ساتىپ الىندى.
جىل باسىنان بەرى ونكوديسپانسەرگە 76 ميلليون تەڭگەنىڭ كولەمىندە قۇرىلعىلار ساتىپ الىندى، جىل سوڭىنا دەيىن 3 اپپارات كەلەدى. قۇرال- جابدىقتار ۇكىمەت قاۋلىسىنا سايكەس، ليزينگكە الىنادى.
