بۇركىتتەردىڭ جويىلىپ كەتۋ قاۋپىن زاڭنامالىق رەتتەۋ قاجەت - ۇلتتىق سپورت تۇرلەرى قاۋىمداستىعى
باسقوسۋدا قازاقستانداعى قۇسبەگىلىك ونەرىنىڭ قازىرگى جاعدايى مەن وزەكتى ماسەلەلەرى تالقىلاندى.
كەزدەسۋگە ۇلتتىق سپورت تۇرلەرى قاۋىمداستىعىنىڭ ۆيتسە- پرەزيدەنتى داۋرەن ءابدىحاميتوۆ، حالىقارالىق بۇركىتشىلەر قاۋىمداستىعىنىڭ (IAF) ۆيتسە- پرەزيدەنتى باقىت قارماقبايەۆ پەن «بۇركىتشى» فەدەراتسياسىنىڭ اتقارۋشى ديرەكتورى ۆ. زەمبليەۆسكيي قاتىستى.
بۇل جيىندا ەلىمىزدەگى قىران قۇستاردىڭ جاي- كۇيى، ولاردىڭ زاڭ جۇزىندە قانشالىقتى قورعالعانى ءتارىزدى تۇيتكىلدى ماسەلەردىڭ ءتۇيىنى تارقاتىلدى. مامانداردىڭ ايتۋىنشا، ەلىمىزدەن اراب ەلدەرىنە قۇستاردى زاڭسىز اكەتكەن براكونەرلىك ارەكەتتەر كوپتەپ كەزدەسەدى.
«بۇركىت - الەمدە وتە سيرەك كەزدەسەتىن قۇس. سوندىقتان ولاردىڭ جويىلىپ كەتۋ قاۋىپىن زاڭنامالىق تۇرعىدا رەتتەگەنىمىز ابزال» ، - دەيدى ب. تىلەۋحان.
قاۋىمداستىققا تابيعاتتى قورعاۋ بويىنشا مەملەكەتتىك قۇرىلىمدارى مەن زوولوگيالىق ينستيتۋتتارمەن بىرلەسىپ جۇمىس اتقارۋ بويىنشا مىندەتتەر جۇكتەلدى.
وسى ماسەلەگە بايلانىستى تاراپتار بيىل قازان ايىنا الماتى قالاسىندا حالىقارالىق كونفەرەنتسيا ۇيىمداستىرۋعا كەلىستى. ۇيىمداستىرۋشىلار وندا شەتەلدىك قۇسبەگىلەر، عالىمدار جانە ماماندارمەن بىرگە الەمدەگى ەڭ وزىق تاجىريبەلەر مەن قۇستاردى قورعاۋدىڭ زاڭنامالىق ۇلگىسىن دايىنداۋعا جانە باسقا دا كوپتەگەن سۇراقتاردىڭ باسىن اشاتىنىنا سەنىمدى.
مارتەبەلى مەيمان ق ر ۇلتتىق سپورت تۇرلەرى قاۋىمداستىعى پرەزيدەنتىنىڭ استاناعا ارنايى شاقىرتۋىمەن كەلگەن. ادريانو لومباردتىڭ بۇل ورتالىق ازياعا العاشقى ساپارى ەكەن.
كەزدەسۋ سوڭىندا قاۋىمداستىقتىڭ قۇرمەتتى قوناعى قۇسبەگىلىك ونەردىڭ ەلىمىزدىڭ اۋماعىنان، ياعني ءبىزدىڭ اتا- بابالارىمىزدان تاراعانىن جەتكىزدى. سونداي- اق ەكى تاراپ قۇسبەگىلىك ونەردىڭ ناسيحاتتالۋىندا تىزە قوسا جۇمىس اتقارۋعا ۋاعدالاستى، دەپ حابارلايدى ق ر ۇلتتىق سپورت تۇرلەرى قاۋىمداستىعىنان.
