قازاقستان ەشبىر الپاۋىتتىڭ ىعىندا قالمايدى - ا ق ش ساراپشىلارى

ەكى ەل ساراپشىلارى ۇسىنعان كەزەكتى ەسەپ بۇل جولى كونگرەسس اياسىندا تالقىعا ءتۇستى.

- قىركۇيەكتىڭ العاشقى اپتاسىندا  ا ق ش كونگرەسى جاڭا ماۋسىمداعى سەسسياسىن باستادى. الداعى قاراشادا سايلاۋ كەلە جاتىر. الايدا، كۇزگى قاربالاسقا قاراماستان كاپيتوليي قابىرعاسىندا قازاق- امەريكا قارىم- قاتىناستارىن تالقىلاعان تاعى ءبىر ماڭىزدى باسقوسۋ ءوتتى. وسىلايشا، اپتا ىشىندە ا ق ش ساراپشىلارىنىڭ نازارى كەزەكتى رەت قازاقستانعا اۋدى.

ا ق ش كونگرەسىندەگى وكىلدەر پالاتاسىنىڭ مۇشەسى دەينا روراباكەر وتكەن اپتادا عانا ءبىر توپ ارىپتەستەرىمەن قازاقستانعا بارىپ قايتتى. مارتەبەلى مەيمان ەلباسى نۇرسۇلتان نازاربايەۆتىڭ قابىلداۋىندا بولىپ، ەكى ەل ىنتىماعىن نىعايتۋعا قاتىستى پىكىرىمەن بولىسكەن. اڭگىمەنىڭ جالعاسى كونگرەستە ءوربىدى. قازاقستان- ا ق ش سەرىكتەستىگىن دامىتۋعا قاتىستى ەسەپكە تالقىلاۋ جاسالىپ، ۇسىنىستار ساراپقا سالىندى. ەڭ باستىسى، ەكى تاراپتىڭ دا پىكىر الشاقتىعى جوق. قازاقستاننىڭ مۇحيت سىرتىنداعى ەلمەن بايلانىسى نىعايا تۇسسە، ا ق ش- تىڭ قازاقستانعا دەگەن قىزىعۋشىلىعى اناعۇرلىم ارتقان.

دەينا روراباكەر، ا ق ش كونگرەسى وكىلدەر پالاتاسىنىڭ مۇشەسى:

- وسىدان 10 جىلى بۇرىنعى قازاقستان مەن ونىڭ قازىرگى كەلبەتىن سالىستىرۋعا مۇلدەم كەلمەيدى. ونى ءوز كوزىممەن كورىپ قايتتىم. ءتىپتى، ءبىر كەزدەرى الەمدىك كارتادان تانىماستاي بولىپ ەلەستەيتىن ەلدىڭ بۇگىنگى قارقىنى تىم قۋاتتى. ا ق ش ونداي مەملەكەتپەن بايلانىسىن بەكەمدەي تۇسۋگە نيەتتى.

جيىندا ساياسات پەن ەكونوميكادان بولەك، قازاق ەلىنىڭ ورتالىق ازياداعى ايماقتىق قاۋىپسىزدىككە قوسقان ۇلەسى دە ەرەكشە اتاپ ءوتىلدى.

سۆانتە كورنەلل، ا ق ش- تاعى ورتالىق ازيا- كاۆكاز ينستيتۋتىنىڭ ديرەكتورى:

- نۇرسۇلتان نازاربايەۆ - بەدەلدى ساياساتكەر. بىلىكتى باسشىنىڭ ارقاسىندا عانا مەملەكەت العا جىلجيدى. قازاقستان ۇنەمى بارلىق جاعىنان ۇلگەرىپ، قابىلەت- قارىمىن دالەلدەپ كەلەدى. ونداي قادامعا ءبىز تەك سۇيسىنە قارايمىز.

قازاقستان مەن ا ق ش عىلىمي- زەرتتەۋ ينستيتۋتتارىنىڭ قوس ەل ىنتىماعىن زەردەلەۋگە قاتىستى ساراپتامالارى جالعاساتىن بولادى. بۇل جولعى ەسەپتىڭ اسىرەسە، ءوزارا ىسكەرلىك ورتانى مەيىلىنشە جاقىنداتا تۇسۋگە مول پايداسى ءتيدى. امەريكالىق بيزنەس قازاق ەكونوميكاسىنا ينۆەستيتسيا قۇيۋعا مۇددەلى.

«حابار» ارناسى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى