اماندىق باتالوۆ پەن اسقار مامين قىتايمەن شەكارالاس ايماقتى ارالادى

 تاياۋدا سالىنعان «التىنكول» ستانساسىنا جانە «قورعاس» حالىقارالىق شەكارالىق ىنتىماقتاستىق ورتالىعى مەن «قورعاس - شىعىس قاقپا» ارنايى ەكونوميكالىق ايماعىن قۇرۋ بويىنشا بەلسەندى جۇمىس جۇرگىزىلىپ جاتقان قىتايمەن شەكارالاس ايماقتى ارالادى.

 وزدەرىنىڭ جۇمىس ساپارى بارىسىندا «قازاقستان تەمىر جولى» ۇ ك» ا ق پەرزيدەنتى مەن وبلىس اكىمى التىنكولگە جاقىن جەردە سالىنىپ جاتقان «قۇرعاق پورت» قۇرىلىسىمەن تانىستى. مۇندا الەمدەگى كوپتەگەن ەلدەردىڭ ينۆەستورلارى تارتىلاتىن ترانس ۇلتتىق ماڭىزى بار ءىرى لوگيستيكالىق ورتالىق بولادى.

 التىنكول ستانساسىنداعى «قۇرعاق پورت» - قازاقستاننىڭ، ورتالىق ازيا ەلدەرىنىڭ، قىتاي جانە وڭتۇستىك- شىعىس ازيا مەملەكەتتەرىمەن ەۋرازيالىق كونتينەنتتىڭ ەكونوميكالىق بايلانىستارىن دامىتۋ مەن نىعايتۋدا، ترانزيتتىك جانە كولىكتىك الەۋەتتى ارتتىرۋدا، حالىقارالىق جۇك اينالىمىن ەداۋىر ۇلعايتۋدا بىرەگەي جوباعا اينالدى»، - دەپ اتاپ ءوتتى اماندىق باتالوۆ.

ولار سودان كەيىن «قورعاس» حالىقارالىق شەكارالاس ورتالىعى مەن «قورعاس - شىعىس قاقپا» ەركىن ەكونوميكالىق ايماعىنا باردى.

جولاۋشىلار تەرمينالىنىڭ وتكىزۋ قابىلەتى 10400 ادامدى، جۇك تەرمينالى - تاۋلىگىنە 500 ماشينانى قۇرايدى. مۇندا قوناقتار العاشقى ترانس ۇلتتىق جوبانىڭ ىسكە اسىرىلۋىمەن تانىستى.

«ەكونوميكالىق ىنتىماقتاستىق ايماعىندا ساۋدا ورىندارى عانا ەمەس، الەمدىك ستاندارتتارعا جاۋاپ بەرەتىن قوناقۇي كەشەندەرى، ويىن- ساۋىق ورتالىقتارى، ستاديوندار سالىنادى. وتباسىلىق دەمالىس ورنى دا كوزدەلۋدە. ەتنو اۋىل مەن ديسنەيلەند قۇرىلىسى دا جوسپاردا بار» ، - دەپ اتاپ ءوتتى ا. باتالوۆ.

ساپار سوڭىندا «قازاقستان تەمىر جولى» ۇلتتىق كومپانياسى ا ق پرەزيدەنتى ا. مامين مەن الماتى وبلىسىڭ اكىمى ا. باتالوۆ «قورعاس - شىعىس قاقپا» ەركىن ەكونوميكالىق ايماعىنا قىزىعۋشىلىق تانىتقان ءىرى ينۆەستورلارمەن جۇزدەستى.

 «قورعاس» ق ش ى و قۇرۋ قازاقستان مەن قىتاي مەملەكەتتەرى باسشىلارىنىڭ باستاماسىمەن ىسكە اسىرىلۋدا. ول شەكارالاس ساۋدا- ەكونوميكالىق، عىلىمي- تەحنيكالىق ىنتىماقتاستىق، سونداي- اق ەكى ەلدىڭ ترانزيتتىك جانە كولىكتىك الەۋەتىن دامىتۋعا باعىتتالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى