سىبايلاس جەمقورلىق قىلمىسىنا بارعاندار لاۋازىمىنا قاراماستان جازالانادى
بۇل تۋرالى استانادا «قازاقستان-2050» دەموكراتيالىق كۇشتەردىڭ جالپى ۇلتتىق كواليتسياسىنىڭ وتىرىسىندا «نۇر وتان» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك ءمالىم ەتتى.
«قىزمەت كورسەتۋ سالاسىندا اكىمشىلىك كەدەرگىلەر، سۋبەكتيۆتى فاكتورلار بارىنشا ازايتىلۋ ۇستىندە. ياعني، قاراپايىم جۇرتشىلىق قاجەتتى قۇجاتتارعا «جالعىز تەرەزە» جۇيەسىمەن قىسقا ۋاقىتتىڭ ىشىندە قول جەتكىزۋدە. انىقتامالاردىڭ ءبىرقاتارى «ەلەكتروندى ۇكىمەت» ارقىلى ادامي فاكتورسىز بەرىلۋدە. سونىمەن قاتار تولەمدەردىڭ كەيبىرى ەلەكتروندى تۇردە اتقارىلۋدا. مەملەكەتتىك ورگاندار تاراپىنان بەرىلەتىن رۇقساتتار سانى قىسقارتىلۋدا. ەلباسىنىڭ تاپسىرماسىمەن ول ەلۋ پايىزعا دەيىن ازايتىلاتىن بولدى» ، - دەدى ب. بايبەك.
سونىمەن قاتار ول سىبايلاس جەمقورلىق قىلمىسىنا بارعاندار شەنى مەن شەكپەنىنە، لاۋازىمىنا قاراماستان جازالانىپ جاتقاندىعىن اتاپ ءوتتى.
ەسكە سالا كەتەيىك، 2014 - جىلدىڭ شىلدەسىندە «نۇر وتان» پارتياسى سىبايلاس جەمقورلىققا قارسى ءىس- قيمىل باعدارلاماسىنىڭ جوباسىن ازىرلەپ، قالىڭ بۇقارانىڭ تالقىلاۋىنا ۇسىنعان بولاتىن.
«مەملەكەت پەن ازاماتتىق قوعامنىڭ ارىپتەستىگى، اشىقتىق، جاريالىلىق پەن مەملەكەتتىڭ قوعامعا ەسەپتىلىگى، زاڭ ۇستەمدىگى، جەمقورلىق قۇقىق بۇزۋشىلىق ءۇشىن جازانىڭ قولدانىلماي قالمايتىندىعى، نولدىك توزىمدىلىك پەن جەمقورلىقتى جۇرت الدىندا جازعىرۋ سىبايلاس جەمقورلىققا قارسى نەگىزگى قاعيداتتار بولۋى ءتيىس» ، - دەپ اتاپ ءوتتى د ك ج ك وتىرىسىندا.
بەلگىلى بولعانداي، باعدارلاما جوباسى 6 مىڭنان استام الاڭدا تالقىلانىپ، وعان 800 مىڭنان استام قازاقستاندىق قاتىستى. بارلىعى 800 دەن استام ۇسىنىستار مەن تولىقتىرۋلار ءتۇستى. سىبايلاس جەمقورلىققا قارسى پارتيالىق باعدارلاما بيىلعى كۇزدە ساياسي كەڭەستىڭ وتىرىسىندا قابىلدانادى دەپ كۇتىلۋدە.
شاراعا «نۇر وتان» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك، ق ر پرەمەر- ءمينيسترىنىڭ ءبىرىنشى ورىنباسارى باقىتجان ساعىنتايەۆ، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى قايرات قوجامجاروۆ، سونداي- اق ق ر پارلامەنتى ءماجىلىسىنىڭ دەپۋتاتتارى، ەلدەگى ساياسي پارتيالار مەن ۇكىمەتتىك ەمەس ۇيىمداردىڭ جەتەكشىلەرى قاتىسۋدا.
اۆتور: رۋسلان عابباسوۆ
