قىتاي وزگە ەلدەر ءۇشىن عارىشكەرلەر دايىنداۋعا نيەتتى
قىتاي شەنەۋنىگى مەملەكەت بۇل ماسەلەنى وزگە ەلدەرمەن تالقىلاۋعا نيەتتى ەكەنىن ايتقان.
تالعات مۇسابايەۆ 2011 - جىلى «قازعارىش» باسشىسى رەتىندەگى قىتايعا بارعان العاشقى جۇمىس ساپارى بارىسىندا ق ح ر رەسەي مەن ا ق ش-تان كەيىنگى ءۇشىنشى عارىش دەرجاۆاسىنا اينالعانىن ايتقان.
«ءبىرقاتار باعىتتار بويىنشا قىتايدىڭ رەسەيدەن كوش ىلگەرى ەكەنىن مويىنداۋ كەرەك. قىتايدىڭ ايدى زەرتتەۋ باعدارلاماسى مەن ءوز عارىش ستانساسىن قۇرۋ بويىنشا جوسپارى تاڭداي قاقتىرادى»، - دەدى ت. مۇسابايەۆ.
2013 - جىلى ق ح ر ءتوراعاسى شي جينپيننىڭ قازاقستانعا كەلگەن ساپارىندا تاراپتار زەرتتەۋ سالاسى مەن بەيبىت ماقساتتا عارىش كەڭىستىگىن پايدالانۋ بويىنشا ۇكىمەت ارالىق كەلىسىمگە قول قويدى. مۇندا كادرلاردى دايىنداۋ ماسەلەسى دە قاراستىرىلعان.
ەسكە سالا كەتەيىك، 2000 - جىلداردان باستاپ ەكىجاقتى كەلىسىمگە سايكەس قازاقستاندىق عارىشكەرلەر رەسەيدىڭ جۇلدىزدار قالاشىعىندا دايىندىقتان وتەدى.
وسىعان دەيىن ت. مۇسابايەۆ قازاقستاندىق عارىشكەردى حالىقارالىق عارىش ستانساسىنىڭ ەكيپاجىنا قوسۋ ماسەلەسى ءۇردىسى بويىنشا، قارجىلاندىرۋ جاعىنان قيىنداۋ جانە ونى كەلىسىسۋ ءۇشىن ۋاقىت قاجەت ەكەنىن ايتقان ەدى.
2016 - جىلى قىتاي «تيانگۋڭ-2» /اسپانداعى ساراي/ عارىش مودۋلىن، «شەنجوۋ-11» باسقارىلاتىن عارىش كەمەسى مەن «تيانجوۋ-1» جۇك كەمەسىن ۇشىرتۋدى كوزدەپ وتىر. 2018 - جىلى تاجىريبەلىك وربيتالىق مودۋلدى قۇراستىرۋ جانە سىناۋ بويىنشا جۇمىستار اياقتالىپ، 2022 - جىلى عارىش ستانساسىن قۇرۋ بويىنشا باعدارلاما ورىندالماق.
