قىتاي قازاقستاندىقتاردى تاڭقالدىرماقشى

 باعلارلامادا: سيرك ونەرىنىڭ ەلەمەنتتەرى بار بيلەر، ءتول اسپاپتى كومپوزيسيادان باستاپ، سىنزياندىقپەن ۇيلەسەتىن زاماناۋي ەلەكتروندىق مۋزىكا، سونداي-اق  مۋزىكادان كلاسسيكالىق رەپەرتۋارعا دەيىنگى باعىتتاعى ءتۇرلى جانرلاردا جۇمىس جاسايتىن امبەباپ شەبەرلەردىڭ ورىنداۋىنداعى اندەر. كونسەرت قازاقستانداعى قىتاي مادەنيەتى كۇندەرى اياسىندا 25 - قىركۇيەكتە وتەدى. 

كەشتىڭ ەرەكشەلىگى - مۇنداي تەاترلانعان شوۋدى تەك قىتايدىڭ ۇلتتىق تەاترىندا عانا كورۋگە بولادى. ونەردىڭ حاس شەبەرلەرى كورەرمەن نازارىنا وزدەرىنىڭ قىزىق تا، كۇردەلى ورىنداۋلارىن، سونىمەن قاتار قازاق حالىق اندەرىن شىرقاپ، دومبىرانىڭ قۇلاعىندا ويناي الاتىندارىن كورسەتەدى. تايۋان شاھارىنان كەلەتىن ترۋپپا ارتىستەرى بيىككە ورمەلەپ شىعىپ، سالتو جاساپ،اكروباتيكانىڭ نەبىر ەلەمەنتتەرىن پاش ەتەتىن جاندى باۋراپ اكەتەتىن بيلەرىن ۇسىنادى. اتالعان نومەردىڭ باستى ماقساتى - ارتىستەردىڭ سول ساتتەگى رەاكسياسىن، اسقان شەبەرلىك پەن اسەمدىكتىڭ ۇيلەسىمدىلىگىن كورسەتۋ. اتاقتى ترۋپپانىڭ جۇلدىزدى قۇرامىندا گوۋ چانچان، ۆۋ نا، دۋن فەي، چەن چەن، ابۋلاسزيان جانە باسقالارى بار.

ترۋپپا باسشىلىعى اتاپ وتكەندەي، باعدارلاماداعى «الىس جەردەن كەلگەن قوناق، وسىندا قال» ءانى مەن تيبەتتىكتەردىڭ «قىرداعى گەبا» ءبيى التىنشى جاستار حالىقارالىق فەستيۆالىندە (قىتاي) التىن جانە قولا مەدالدار يەلەنگەن. حالىق ءانى مەن ءبيىنىڭ ورتالىق ءانسامبلى 1952 - جىلدىڭ قىركۇيەگىندە قۇرىلعان.

60 جىلدىق تاريحى بار ترۋپپا تۇرلى ۇلتتار ونەرىنىڭ جاۋھارلارىن جيىپ، تالاي دارىندى ءانشى، ءبيشى، ورىنداۋشى، ولەڭ اۆتورلارى مەن رەجيسسەرلارىن تاربيەلەپ ءوسىردى. جالپى ترۋپپادا 37 ۇلىستاردىڭ وكىلى بار، سولاردىڭ ىشىندە: قازاقتار، موڭعولدار، حۋەي، تيبەتتىكتەر، ۇيعىرلار، مياو، چجۋان، مانچجۋرلار، كارىستەر، حاندىقتار جانە باسقالارى. ونەر ۇجىمىنىڭ نەگىزگى ماقساتى - قىتاي حالىقتارىنىڭ ءبي-ءان ونەرىن جانداندىرىپ، جالعاستىرۋ جانە دامىتۋ.

baq.kz 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى