الماتىدا شاكەن ايمانوۆ فيلمدەرىنىڭ فەستيۆالى اشىلادى

اتالعان شارا يۋنەسكو- نىڭ ەستەلىك داتالارى مەن وقيعالارىنىڭ رەسمي كۇنتىزبەسىنە ەنگىزىلگەن شاكەن ايمانوۆتىڭ ءجۇز جىلدىعى توڭىرەگىندە وتكىزىلمەك. مەرەكەلىك شارا سونداي- اق الماتى كۇنىن اتاپ ءوتۋ باعدارلاماسىنا ەنگىزىلگەن، دەپ حابارلايدى فەستيۆالدىڭ باسپا ءسوز قىزمەتىنەن.

بۇگىن قازاقستاندىق كينو كۇنىندە فەستيۆالدىڭ سالتاناتتى اشىلۋى وتەدى، وعان الماتى قالاسىنىڭ اكىمدىگى، اۋەزوۆ اۋدانىنىڭ اكىمى ب. ن. تورعايەۆ، «قازاقفيلم» ا ق پرەزيدەنتى ەرمەك امانشايەۆ جانە قازاقستاندىق كينو ارداگەرلەرى قاتىسادى. باعدارلامادا نۇرعيسا تىلەنديەۆ اتىنداعى «وتىرار سازى» اتتى قازاق ۇلتتىق ساز اسپاپتارىنىڭ وركەسترى مەن ش. ايمانوۆ كينو فيلمدەرىندەگى اندەردى ورىندايتىن قازاقستاندىق ەسترادا جۇلدىزدارى ونەر كورسەتەدى دەپ كۇتىلۋدە.

فەستيۆال باعدارلاماسى 1968 - جىلى شاكەن ايمانوۆ تۇسىرگەن، حالىقتىڭ سۇيىكتى فيلمىنە اينالعان «تاقيالى پەرىشتە» اتتى يرونيالىق اۋەندى كومەدياسىمەن اشىلادى. سىيلى قوناق - باستى ءرولدى سومداۋشى ءالىمعازى رايىمبەكوۆ.

شارا اياسىندا جۇرت نازارىنا «الدار كوسە» ، «ءبىزدىڭ سۇيىكتى دارىگەر» ، «تاقيالى پەرىشتە» ، «اتاماننىڭ اقىرى» ، «اتامەكەن» فيلمدەرى ۇسىنىلادى. فەستيۆال الماتى قالاسىنىڭ مادەنيەت باسقارماسى مەن «قازاق فيلم» ا ق قولداۋىمەن وتەدى.

فيلمدەر 13-17 - قىركۇيەك ارالىعىندا كۇن سايىن كۇندىز ساعات 10.30 دا جانە كەشكى ساعات 18.00-دە Kinoplexx Saryarka كينوتەاترىندا تەگىن كورسەتىلەتىن بولادى. مەكتەپ وقۋشىلارى مەن ج و و ستۋدەنتتەرىنە، سوعىس ارداگەرلەرى مەن زەينەتكەرلەرگە جاپپاي كورسەتىلىم قويۋ جوسپارلانۋدا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى