قازاقستاندىق سپورتشى دوپينگ قولدانعانىن مويىندادى

يگلينسكيدىڭ قانىنان سپورتتا رۇقسات ەتىلمەگەن ەريتروپوەتين ءدارىسى تابىلعان. سپورتشى دوپينگ باقىلاۋدان 11- تامىز كۇنى، «ەنەكو تۋر» جارىسىنىڭ الدىندا وتكەن. ەرەجە بويىنشا، يگلينسكي ەندى «ب» سىناماسىن اشتىرتۋىنا قۇقىعى بار. ول ازىرشە جارىستاردان ۋاقىتشا شەتتەتىلگەن.

سپورتشىنىڭ ايتۋىنا قاراعاندا، رۇقسات ەتىلمەگەن ءدارى-دارىمەكتى ول «استانا» كومانداسىنىڭ قىزمەتكەرلەرىمەن اقىلداسپاي ىشكەن ەكەن. كوماندا بۇل سپورتشىمەن بىردەن كەلىسىم شارتتى بۇزدى.

ۆالەنتين يگلينسكي 2010-جىلدان باستاپ «استانا» ساپىندا ونەر كورسەتىپ كەلەدى. 2011-جىلى ول كوپكۇندىك «حاينان تۋرى» جارىسىن جەڭىپ الدى. وسىدان بىرنەشە اي بۇرىن جىلدامدىقتى اسىرىپ، كولىكتى ماس كۇيىندە ايداعانى ءۇشىن سپورتشىنى نيتستسا پوليتسياسى تۇتقىنداعان. سپورتشى ساعاتىنا 203 شاقىرىم جىلدامدىقپەن جۇرگەن. ونىڭ قان قۇرامىنداعى الكوگولدىڭ مولشەرى 0,64 پروميللە بولعان. ول كەزدە ءتىپتى يگلينسكيدى ناشا قولداندى دەپ كۇدىكتەنگەن، ءبىراق بۇل اقپارات راستالعان جوق.

Tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى