رەسپۋبليكالىق «التىن قالام» ادەبي بايقاۋىنىڭ جەڭىمپازدارى ماراپاتتالدى

بايقاۋعا قاتىسۋشىلار «جىلدىڭ ەڭ ۇزدىك پوەزياسى»، «جىلدىڭ ەڭ ۇزدىك پروزاسى»، «جىلدىڭ ەڭ ۇزدىك دراماتۋرگياسى»، «جىلدىڭ ەڭ ۇزدىك بالالار شىعارماسى»، «قازاق ادەبيەتىنە قوسقان ەلەۋلى ەڭبەگى ءۇشىن» نوميناتسيالارى بويىنشا ءوزارا سىنعا ءتۇستى.

«جىلدىڭ ەڭ ۇزدىك پوەزياسى» اتالىمى بويىنشا «جول» ولەڭىمەن ورازبەك ساپارحان جەڭىمپاز اتانسا، «جىلدىڭ ەڭ ۇزدىك پروزاسى» اتالىمى بويىنشا «مۇڭلىق» اڭگىمەسىمەن ساكەن سىبانباي باسقالاردان وق بويى وزىق شىقتى.

ال «جىلدىڭ ەڭ ۇزدىك دراماتۋرگياسى» اتالىمى بويىنشا «زاۆەشانيە يبرايا» شىعارماسىمەن اقىلبەك شاياحمەت، «جىلدىڭ ەڭ ۇزدىك بالالار شىعارماسى» اتالىمى بويىنشا «كيىز ءۇي» تۋىندىسىمەن بوتاكوز جالماعانبەتوۆا ۇزدىك دەپ تانىلدى. «قازاق ادەبيەتىنە قوسقان ەلەۋلى ەڭبەگى ءۇشىن» اتالىمى بويىنشا جۇلدەنى اقىن ەسەنعالي راۋشانوۆ يەلەندى.

ايتا كەتەيىك، رەسپۋبليكالىق «التىن قالام» ادەبي بايقاۋى 2010-جىلدىڭ مامىر ايىنان بەرى وتكىزىلىپ كەلەدى. بايقاۋدىڭ نەگىزگى ماقساتى - رۋحاني-مادەني قۇندىلىقتاردى دامىتا وتىرىپ، جاس تالانتتاردى حالىققا كەڭىنەن تانىستىرۋ، دەپ حابارلايدى ادەبيەت پورتالى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى