پارا العان شەنەۋنىك تە، پارا بەرگەن كاسىپكەر دە سوتتالدى

سوتتا انىقتالعانداي مەملەكەتتىك قىزمەتشى، وبلىستىق قۇرىلىس باسقارماسى باستىعىنىڭ ورىنباسارى قىزمەتىن اتقارا وتىرىپ، ەكى كاسىپكەرگە: «مەملەكەتتىك ساتىپ الۋدا جەڭىمپاز ەتىپ تانيمىن» دەپ الاياقتىق جاساعان.

و ق و قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن ول ق ر قىلمىستىق كودەكسىنىڭ 177-بابىنىڭ 4-بولىگىنىڭ «ب» تارماعىمەن كىنالى دەپ تانىلىپ، جەكە مۇلكى تاركىلەنىپ، 5 جىلعا باس بوستاندىعىنان ايىرۋ جازاسى تاعايىندالدى.

«كامەلەتكە تولماعان بالاسى بولعاندىقتان، سوت ق ر قىلمىستىق كودەكسىنىڭ 72-بابىن قولدانىپ، تاعايىندالعان جازانى ورىنداۋدى كەيىنگە قالدىردى»، دەلىنگەن حابارلامادا.

ال، ءبىر كاسىپكەر مەملەكەتتىك قىزمەتتى اتقارۋعا ۋاكىلەتتى ادامعا پارا بەرگەنى ءۇشىن ق ر قىلمىستىق كودەكسىنىڭ 312-بابىنىڭ 1-بولىگىمەن كىنالى دەپ تانىلىپ، ق ك-ءنىڭ 63-بابى بويىنشا، 1 جىلعا شارتتى مەرزىمگە باس بوستاندىعىنان ايىرىلدى.

ۇكىم زاڭدى كۇشىنە ەنگەن جوق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى