قاراعاندى وبلىسى اكىمىنىڭ ورىنباسارى اۋىستى

«جانار بەكبانوۆا ءوز ءوتىنىشى بويىنشا وبلىس اكىمىنىڭ ورىنباسارى قىزمەتىنەن بوساتىلدى. ق ر پرەزيدەنتى اكىمشىلىگىنىڭ كەلىسىمىمەن، وبلىس اكىمىنىڭ وكىمىمەن بۇل قىزمەتكە ابىشيەۆ جاندوس اقىلسەرىك ۇلى تاعايىندالدى.

 ول وبلىستاعى الەۋمەتتىك سالا جانە ىشكى ساياسات، تۇرعىنداردىڭ الەۋمەتتىك قورعالۋى مەن ەڭبەكپەن قامتىلۋى ماسەلەلەرىنە جاۋاپتى بولادى» ، دەلىنگەن حابارلامادا.

 ابىشيەۆ جاندوس اقىلسەرىك ۇلى 1973 - جىلى تۋعان. ءۇش جوعارى ءبىلىمى بار. قاراعاندى پەداگوگيكالىق ينستيتۋتىن، «فەميدا» زاڭ ينستيتۋتىن، قاراعاندى ەكونوميكالىق ۋنيۆەرسيتەتىن ءتامامداعان. ماماندىعى - دەنە تاربيەسىنىڭ مۇعالىمى، زاڭگەر، قارجى باكالاۆرى. ەڭبەك جولىن 1994 - جىلى قازاق تۇتىنۋ وداعى ينستيتۋتىنىڭ دەنە تاربيەسى كافەدراسىنىڭ وقىتۋشىسى بولىپ باستاعان. 1998 - جىلدان مەملەكەتتىك قىزمەتتە. قاراعاندى وبلىسى بويىنشا اقپارات جانە قوعامدىق كەلىسىم باسقارماسىنىڭ اعا مامانى، كەيىن باس مامانى بولعان.

2000-2005 - جىلدار ارالىعىندا وبلىستاعى سوتتار اكىمشىلىگىندە ءتۇرلى باسقارۋشىلىق قىزمەتتەر اتقارعان. 2005-2012 - جىلدار ارالىعىندا وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار دەپارتامەنتىن، كەيىن باسقارماسىن باسقاردى. 2012-2013 - جىلدارى قازاقستان رەسپۋبليكاسى پرەزيدەنتى اكىمشىلىگىنىڭ قازاقستان حالقى اسسامبلەياسى حاتشىلىعىنىڭ ينسپەكتورى بولىپ قىزمەت ەتتى. 2013 - جىلدىڭ تامىزىنان جاڭا تاعايىنداۋعا دەيىن قاراعاندى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى بولدى.

 «قازاقستان رەسپۋبليكاسىنىڭ تاۋەلسىزدىگىنە 20 جىل» ، «10 جىل استانا» مەرەيتويلىق مەدالدارىمەن، قازاقستان رەسپۋبليكاسى اۋىل شارۋاشىلىق مينيسترلىگىنىڭ توسبەلگىسىمەن، قازاقستان رەسپۋبليكاسى پرەزيدەنتىنىڭ قۇتتىقتاۋ حاتىمەن، قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ قۇرمەت گراموتاسىمەن، قاراعاندى وبلىسى اكىمىنىڭ قۇتتىقتاۋ حاتىمەن ماراپاتتالعان.


جاندوس اقىلسەرىك ۇلى


جانار بەكبانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى