ۆولەيبول ويىنىن كورگىسى كەلگەن ايەل تۇرمەگە قامالدى

 دەپ حابارلادى Independent.

 يران مەن يتاليانىڭ ەرلەر قۇراماسى ويناعان ستاديونعا ءبىر توپ قىزبەن كىرمەك بولعان 25 جاستاعى گونچەح گاۆامي تۇتقىندالدى. ماتچ 20 - ماۋسىمدا وتكەن. ءبىرازدان سوڭ ونى بوساتقان، الايدا جەكە زاتتارىن اكەتۋ ءۇشىن پوليتسەي ۋچاسكەسىنە كەلگەن ول قايتا قاماۋعا الىندى. بۇل جولى ونى گاۆاميدى تەگەرانداعى ەۆين تۇرمەسىنە جىبەردى.

 قامالعان قىزدىڭ اعاسى، 28 جاستاعى يمان گاۆامي قارىنداسى تۋىستارىنا حابارلاسىپ، 41 كۇنگە قامالعانىن ايتقانى تۋرالى مالىمدەدى.

گاۆامي - ەلدەگى ايەلدەرگە ەرلەر اراسىندا وتەتىن جارىستاردى كورۋگە تىيىم سالاتىن نورماعا قارسىلىق ءبىلدىرىپ جۇرگەن بەلگىلى بەلسەندىلەردىڭ ءبىرى. مۇنداي زاڭ يراندا يسلام ريەۆوليۋتسياسىنان كەيىن 1979 - جىلى قابىلدانعان.

يران پوليتسياسىنىڭ باستىعى ەسمايل احمادي موگحادام نورماعا ساي ايەلدەردى ستاديونعا كىرگىزە المايتىنىن ايتتى.

 بريتانيالىق بيلىككە بۇل جاعداي بەلگىلى بولدى. ولار نازىك جاندىعا كومەكتەسۋدىڭ امالدارىن ىزدەستىرۋدە. الايدا ولاردىڭ مۇمكىندىگى يراندا شەكتەۋلى ەكەنىن مويىندادى. «فەيسبۋكتە» بەلسەندىنى قولداۋ ماقساتىندا ناۋقان باستالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى