الماتى وبلىسىنداعى قىزىلاعاش بوگەتى قالپىنا كەلتىرىلەدى

كەزدەسۋگە ق ر اۋىل شارۋاشىلىعى ءمينيسترى اسىلجان مامىتبەكوۆ پەن ايتۋلى بيزنەس وكىلدەرى قاتىستى.

«2010 - جىلعى 11 - ناۋرىزدا تاسقىن سۋ جايىلعاننان قىزىلاعاش بوگەتى بۇزىلعان بولاتىن. قىزىلاعاش تا اقسۋ اۋدانى شارۋاشىلىقتارى ءتارىزدى قانت قىزىلشاسىن وسىرۋگە ارنالعان. حالىق قىزىلشا ەككىسى كەلەدى، بۇل ماقساتقا اۋقىمدى سۋبسيديا بولىنەدى. فەرمەرلەرگە قولداۋ قاجەت. بوگەتتى قالپىنا كەلتىرىپ، ەگىستىكتى سۋرامالى سۋمەن قامتاماسىز ەتۋ قاجەت»، - دەدى ا. باتالوۆ. 

  ا. باتالوۆ بۇل ماسەلەدە ق ر  ا ش م  قولداپ، كومەك قولىن سوزۋعا ۋادە بەرگەنىن جەتكىزدى.   

  قازىر الماتى وبلىسىندا 126 مىڭ گ ا استام پايدالانىلماعان جەرلەر بار. ولاردىڭ 49 مىڭ گەكتارى - سۋرامالى.

الماتى وبلىسىنىڭ اكىمى الاكول كولىندە تۋريزمدى دامىتۋ ءۇشىن قانداي شارالار قابىلداۋ قاجەتتىگىن دە ايتتى.

ونىڭ ايتۋىنشا، وبلىس پروكۋراتۋراسىنا الاكول جاعالاۋىنداعى پايدالانىلماعان جەرلەردى قايتارۋ تۋرالى تاپسىرما بەرىلگەن. اكىم بار پانسيوناتتار سانى جەتكىلىكسىز ەكەنىن اتاپ ءوتىپ، بيزنەسمەندەردى قوناقۇي سالۋعا شاقىردى.

«تىم قۇرىعاندا، ءتورت جۇلدىزدى قوناقۇي سالىڭدارشى»، - دەدى ءوڭىر باسشىسى الماتىدا جەتىسۋ ولكەسىنىڭ ينۆەستيتسيالىق مۇمكىندىكتەرىنە قاتىستى وتكەن كەڭەستە. 

  «الماتىدان تالدىقورعانعا دەيىن جاڭا جول سالىنۋدا. تالدىقورعان- ءۇشارال تاس جولىنا كۇردەلى جوندەۋ جۇرگىزىلەدى. سونىمەن بىرگە اقشى اۋىلىنا دەيىنگى جولدى جوندەۋگە قاراجات سۇرادىم» ، - دەپ اتاپ ءوتتى اكىم. 

  ا. باتالوۆ ق ر قورعانىس مينيسترلىگىمەن ءۇشارال اسكەري اۋە ايلاعىنىڭ الاڭىندا ازاماتتىق اۋە كەمەسىن پايدالانۋ مۇمكىندىگىن تالقىلاۋعا نيەتتى ەكەنىن حابارلادى.   

  «دەمالۋشىلاردى الماتىدان ءۇشارالعا جەتكىزۋ ءۇشىن ەكى ياك-40 ۇشاعىن پايدالانساق دەيمىن» ، - دەدى ا. باتالوۆ.  
  وبلىس اكىمى الماتىدان اقشىعا دەيىن تەمىرجول تاسىمالىن سۋبسيديالاۋ ماسەلەسىن شەشۋدى جوسپارلاپ وتىرعانىن جەتكىزدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى