استانادا تاتارستاننىڭ مادەنيەت كۇندەرى وتەدى - فوتو
19 - قىركۇيەكتە بەيبىتشىلىك جانە كەلىسىم سارايىندا 450 ءارتىستىڭ قاتىسۋىمەن گالا- كونسەرت وتەدى. استانالىقتاردىڭ باۋىرلاس حالىقتىڭ ۇلتتىق بيىمەن، انىمەن جاقىنىراق تانىسۋىنا مۇمكىندىك بار. قازاقتىڭ بۇلبۇل ءانشىسى بيبىگۇل تولەگەنوۆا قاتىسادى.
ال، 20 - قىركۇيەك كۇنى «حان شاتىر» ساۋدا ويىن- ساۋىق ورتالىعى جانىنداعى الاڭدا مەرەكەلىك حالىقتىق سەرۋەن وتەدى. تاتار حالقىنىڭ ۇلتتىق ستيلىندە راسىمدەلگەن قالاشىق جاسالىپ، ونەركاسىپتىك كورمە، شىعارماشىلىق ۇجىمداردىڭ كونسەرتى، سپورتتىق جارىستار ۇيىمداستىرىلادى.
سونداي- اق، شارا بارىسىندا تاتار حالقىنىڭ ۇلتتىق تاعامدارىنان ءدام تاتۋ مۇمكىندىگى تۋادى. حالىقتىق سەرۋەن تاڭەرتەڭ ساعات 10.00 باستالىپ، كەشكى ساعات 18.00گە دەيىن جالعاسادى. جاستار ءۇشىن مەرەكەلىك بي كەشى وتكىزىلەدى. شاراعا قازاننان كەلگەن 650 گە جۋىق ءارتىس اتسالىسادى.
