ەلتاڭبانىڭ ءتۇسى، كولەمى جانە كەي تۇستارى وزگەرتىلەتىن بولادى
بۇل تۋرالى استانا اكىمدىگى جانىنداعى مەملەكەتتىك رامىزدەر كوميسسياسىنىڭ وتىرىسىندا قازاقستان ستاندارتتاۋ ينستيتۋتى ديرەكتورىنىڭ ورىنباسارى نۇرتاس وتەشيەۆ ءمالىم ەتتى.
«ستاندارتقا وزگەرىس بيىلعى جىلى جازدا ەنگىزىلدى. ول 2015 - جىلعى ماۋسىمنان باستاپ كۇشىنە ەنەدى. بۇل مەرزىم ىشىندە وندىرۋشىلەر ءوز وندىرىستەرىن وزگەرتىپ، جاڭعىرتىپ ۇلگەرەدى» ، - دەدى ول.
ونىڭ ايتۋىنشا، ەلتاڭبانىڭ ءتۇسى، كولەمى جانە كەي تۇستارى وزگەرتىلەتىن بولادى.
«جىلدار وتە كەلە كەز كەلگەن ءونىم وزگەرەدى، ەسكىرەدى. ەلتاڭبا دا سونداي وزگەرىستى قاجەت ەتۋدە. تيىسىنشە مەملەكەتتىك رامىزدەردى وندىرۋشىلەرگە شىعارىلىپ قويىلعان ەلتاڭباعا 3 جىل مەرزىمگە كەپىلدىك بەرۋ تالابىن ەنگىزۋ ۇسىنىلدى»، - دەپ ءتۇسىندىردى ن. وتەشوۆ.
ونىڭ ايتۋىنشا، قازاقستاندا 40 قا جۋىق مەملەكەتتىك رامىزدەردى وندىرۋشىلەر بار. ول سونىمەن بىرگە ەلتاڭبانىڭ ەسكى ۇلگىسى 2017 - جىلعى جازعا دەيىن اۋىستىرىلاتىنىن جەتكىزدى.
