قارسى الدىڭىزداعى بويجەتكەنمەن ءتىل تابىسقىڭىز كەلسە

زەرتتەۋ قۇر سوزگە نەگىزدەلمەگەن، ول ءۇشىن تاجىريبە جۇرگىزىلىپ، ارنايى ايەل ادامنىڭ قان اينالىم جۇيەسى مەن ميىنىڭ قۇرىلىمى ەسەپكە الىنعان.

1. اڭگىمەنىڭ ىشىندە بولىڭىز

وزىڭىزگە كەزەك كەلەدى ەكەن دەپ كۇتپەڭىز. ويتكەنى بويجەتكەندەردىڭ ميى ءبىر ۋاقىتتا اڭگىمە ايتىپ، تىڭداي الاتىنداي قۇرىلعان. ولاردىڭ قالايشا قۇلاعىنا تەلەفون توسىپ الىپ، باسقا ءبىر جۇمىسپەن اينالىساتىندىعىن ەندى تۇسىنگەن بولارسىز. ولار بار بولعانى مۇنى جاساي الادى. ەگەر ءوزىڭىز سويلەيتىن كەزەكتى كۇتەر بولساڭىز، قارتايىپ قالۋىڭىز مۇمكىن. ال قارسى الدىڭىزدا وتىرعان بويجەتكەن اڭگىمەگە قاتىسپاي وتىرعانىڭىزدى بايقاسا، ءسىزدى قىزىعۋشىلىق تانىتپاي وتىر نەمەسە ايتىپ جاتقان اڭگىمەسى مۇلدەم ورىنسىز دەپ ويلاۋى مۇمكىن.

2. تىڭداپ وتىرىپ، بەت الپەتىڭىزدى وزگەرتىڭىز

بەت الپەت بويجەتكەننىڭ ىشكى جان-دۇنيەسىن تانىتادى. سوندىقتان بار بولعانى ونى تىڭداپ وتىرعان كەزدە ءوزىنىڭ بەت الپەتىندەگى قيمىل-قوزعالىستى قايتالاڭىز. بۇل ارادا تۇسىنىستىكتىڭ ورناۋىنا سەپتىگىن تيگىزەدى. ءبىراق ەش ۋاقىتتا جىگىتپەن سويلەسىپ وتىرعان كەزدە بۇلاي جاساماڭىز!

3. ايتاتىن اڭگىمەڭىز جەكە دەتالدار مەن ەموتسياعا تولى بولۋى ءتيىس

قىز بالاسىنىڭ ميى وزگەلەردىڭ ەموتسياسىن جازباي تانىپ، ادامدار اراسىنداعى قارىم-قاتىناسقا باعا بەرۋگە لايىق جاسالعان. ايتىلىپ جاتقان سۇراققا قاتىستى ءوز پىكىرىڭىزدى، وتباسىڭىز، ءوزىڭىز، دوستارىڭىز تۋرالى ايتىپ بەرىڭىز.

4. جاناما ماعىناداعى سوزدەردى پايدالانىڭىز

بايقاساڭىز، قىزدار جىگىتتەرگە قاراعاندا سويلەمدى ۇزاق ەتىپ قۇراستىرادى. ولار ءبىر ۋاقىتتا بىرنەشە تاقىرىپتى ءتۇرلى كۇيگە تۇسرە وتىرىپ بايانداي الادى. ەش ۋاقىتتا بىردەن اڭگىمەنىڭ تۇيىنىنە ءوتىپ، شەشىمىن ۇسىنباڭىز. تىك مىنەزىڭىزدىڭ ارقاسىندا قىزدارمەن ءتىل تابىسامىن دەپ ويلاماڭىز. دوستىق جىلى قارىم-قاتىناسىڭىزدى كورسەتىڭىز. جانە ونىڭ سوزىمەن ءجيى كەلىسۋدى ۇمىتپاڭىز.

دايىنداعان: قارلىعا بۇيەنباي

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى