ءماجىلىس ۇكىمەت قۇزىرەتىن ناقتىلايتىن زاڭ جوباسىن ءبىرىنشى وقىلىمدا ماقۇلدادى
اتالعان قۇجات اعىمداعى جىلدىڭ 6- تامىزىندا مەملەكەت باسشىسىنىڭ ۇكىمەتتىڭ كەڭەيتىلگەن وتىرىسىندا جۇكتەگەن تاپسىرمالارىن ورىنداۋعا جانە پرەزيدەنتتىڭ 25- تامىزداعى جارلىعىن جۇزەگە اسىرۋعا باعىتتالادى.
«زاڭ جوباسىندا ۇكىمەتتىڭ، مينيسترلىكتەر مەن ولاردىڭ ۆەدومستۆولارىنىڭ، ۇكىمەتتىڭ قۇرامىنا كىرمەيتىن ورتالىق اتقارۋشى ورگانداردىڭ قۇزىرەتىن ناقتىلاۋ بولىگىندە وزگەرىستەر ەنگىزىلەدى. اتاپ ايتقاندا، جارلىقتى ىسكە اسىرۋ ءۇشىن مەملەكەتتىك الەۋمەتتىك-ەكونوميكالىق ساياساتىنىڭ، قورعانىس قابىلەتىنىڭ، قاۋىپسىزدىگىنىڭ، قوعامدىق ءتارتىپتى قامتاماسىز ەتۋدىڭ نەگىزگى باعىتتارىن ازىرلەۋدەگى ۇكىمەت قۇزىرەتى ناقتىلانادى. مينيسترلىكتەر مەن ۇكىمەت قۇرامىنا كىرمەيتىن ورتالىق اتقارۋشى ورگاندارعا ستراتەگيالىق، رەتتەۋ، ىسكە اسىرۋ جانە باقىلاۋ-قاداعالاۋ فۋنكتسيالارىن ورىنداۋ، ستراتەگيالىق جوسپارلار مەن باعدارلامالاردى ىسكە اسىرۋ بويىنشا وكىلەتتىكتەر بەرىلەدى»، - دەيدى ۇلتتىق ەكونوميكا ءمينيسترى ەربولات دوسايەۆ.
ونىڭ ايتۋىنا قاراعاندا، مينيسترلىكتەر ۆەدومستۆولارىنا رەتتەۋ، ىسكە اسىرۋ جانە باقىلاۋ-قاداعالاۋ فۋنكتسيالارىن جۇزەگە اسىرۋ بويىنشا نورماتيۆتىك-قۇقىقتىق اكتىلەردى بەكىتۋ فۋنكتسيالارى بەرىلەدى.
اۆتور: قانات مامەتقازى ۇلى
