قازاق ونەرىنىڭ ساڭلاقتارى: عازيزا جۇبانوۆا

 قازاقتىڭ قازىرگى زاماندىق مۋزىكاسىنىڭ نەگىزىن قالاۋشى ا. جۇبانوۆتىڭ قىزى.  گنەسيندەر اتىنداعى ماسكەۋ مۋزىكالىق ۋچيليشەسىن، پ. ي. چايكوۆسكيي اتىنداعى ماسكەۋ مەملەكەتتىك كونسەرۆاتورياسىن، پروفەسسور يۋ. ا. شاپوريننىڭ كومپوزيتسيا كلاسىن بىتىرگەن.

جۇبانوۆا - ءوزىن ۇلاعاتتى ۇستاز رەتىندە تانىتقان تۇلعا. ونىڭ شاكىرتتەرى - ە. سەركەبايەۆ، س. كابيروۆا، ت. مۇحامەدجانوۆ جانە ت. ب. كونسەرۆاتوريا رەكتورى رەتىندە ول ۇلتتىق كادرلار - مۋزىكانت- ورىنداۋشىلار مەن مۋزىكاتانۋشىلاردىڭ قالىپتاسۋىنا ىقپال ەتتى. ولاردىڭ بىرنەشەۋى الەمدىك اتاققا يە بولدى. مىسالى، ا. مۇساحودجايەۆا، گ. مىرزابەكوۆا، گ. قادىربەكوۆا، ج. اۋباكىروۆا، ت. ابدىراشيەۆ جانە تاعى باسقالار.

جۇبانوۆانىڭ ىقپالىمەن مۋزىكالىق مەكتەپتەر قۇرۋى، فولكلور جانە كومپوزيتورلىق شىعارماشىلىق ماسەلەلەرى بويىنشا ديسسەرتاتسيالار قورعالا باستادى. جۇبانوۆا- ءوزىنىڭ تالانتىن بارلىق جانردا تانىتقان شىعارماشىلىق دياپازونى كەڭ كومپوزيتور. ونىڭ مۋزىكاسى رەسپۋبليكادان تىس جەرلەردە دە جاقسى تانىمال. ول - ۇنەمى ىزدەنىس ۇستىندەگى سۋرەتكەر بولدى. ع. جۇبانوۆانىڭ مۋزىكاسى ارقىلى قازاق مۋزىكا مادەنيەتى باسقا حالىقتارعا بەلگىلى بولدى. ول - «باتىرلىق پوەماسى» سيمفونيالىق پوەماسىن، «جىگەر» سيمفونياسىن، «ەڭلىك- كەبەك»، «جيىرما سەگىز» وپەراسىن، «اق قۇس تۋرالى اڭىز» بالەتىن، كانتاتالار، رومانستار، ەسترادالىق مۋزىكا، تەاتر مەن كينوعا ارنالعان مۋزىكالار جازدى. ولاردىڭ بارلىعىن مۋزىكالىق ويلاۋ جۇيەسىنىڭ ءبىرتۇتاستىعى، ناقتىلىقتان جالپىعا بىرتىندەپ كوشۋ، ۆوكالدى ورىنداۋدان اسپاپتى ورىنداۋعا اۋىسۋ، سەزىمنىڭ كورنەكتىلىگى، تاقىرىپتىق ماتەريالدىڭ اشىقتىعى، ۇلتتىق بوياۋ، اۋقىمدىلىق، ەپيكالىق كەڭدىك جانە مۋزىكالىق وبرازداردىڭ قاراما - قايشىلىقتى مىنەزدەرى بىرىكتىرەدى..

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى