قازاقستاندا جاڭا تەلەارنا ىسكە قوسىلادى

ارنانىڭ باس پروديۋسەرى تيمۋر بالىمبەتوۆ تەلەارنانىڭ فورماتى تۋرالى ايتىپ بەردى. ونىڭ ايتۋىنشا، حابار ەكى تىلدە - ورىس تىلىندە جانە باسىم بولىگى قازاق تىلىندە تاراتىلاتىن بولادى.

«بۇل تەك قازاقستاندىق ءونىمدى ۇسىناتىن قازاقستان تاريحىنداعى تۇڭعىش تەلەارنا. ونىڭ ەفيرىنە وتاندىق ەسترادانىڭ بۇرىنعى وكىلدەرى مەن قازىرگى زامان وكىلدەرىنىڭ ۇزدىك جۇمىستارى شىعارىلاتىن بولادى. تەلەارنانىڭ باستى ماقساتى - قازاق كورەرمەنىنىڭ مادەني دەڭگەيىن كوتەرۋ. Gakku TV قازىردىڭ وزىندە قازاقستاننىڭ كابەلدىك جەلىلەرى ارقىلى جانە «وتاۋ ت ۆ» سپۋتنيكتىك جەلىسى ارقىلى تاراتىلۋدا. تەلەارنانىڭ جوسپارىندا مۋزىكا يندۋسترياسىنىڭ ءتۇرلى سالالارى تۋرالى باياندايتىن باعدارلامالار توپتاماسىن ىسكە قوسۋ دا بار»، - دەدى تيمۋر بالىمبەتوۆ.

«Gаkku Media» باسشىسى مۇستافين سانجاردىڭ ايتۋىنشا، مەديا رەسۋرس قازاقستان ەستراداسىنىڭ شەتەلگە تانىلۋىنا ۇلكەن سەپتىگىن تيگىزبەك.

«ءبىز Gakku.com جاڭا جوباسىن ىسكە قوسامىز. بۇل قازاقستان ەستراداسىنىڭ شەتەلدە تانىلۋىن قامتاماسىز ەتەدى. اقپاراتتىق رەسۋرس اعىلشىن تىلىندە بولادى. كەيىن باسقا تىلدەرگە دە اۋدارىلۋى مۇمكىن»، - دەدى س. مۇستافين.

ءباسپاسوز ءماجىلىسىنىڭ سپيكەرلەرى حابارلاعانداي، 13- قىركۇيەكتە الماتىدا GAKKU داۋىسى جاڭا مۋزىكالىق فەستيۆالى وتەدى.

«كەيىن جوبا ءداستۇرلى تۇردە جىل سايىن وتكىزىلىپ تۇرادى»، - دەيدى ۇيىمداستىرۋشىلار.

اۆتور: گۇلميرا ءعوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى