شولپان اتا قالاسىندا بۇكىل الەمدىك كوشپەندىلەر ويىندارى اشىلدى - فوتو
بىرەگەي سپورت جارىسىنىڭ قاتىسۋشىلارىنا قازاقستان پرەزيدەنتى ن. ءا. نازاربايەۆ قۇتتىقتاۋ حاتىن جولدادى، دەپ حابارلايدى ق ر مادەنيەت جانە سپورت مينيسترلىگىنەن.
قازاقستان پرەزيدەنتىنىڭ قۇتتىقتاۋىندا «ءبىرىنشى بۇكىلالەمدىك كوشپەندىلەر ويىندارى - كوشپەندى حالىقتىڭ رۋحاني قۇندىلىقتارىن ساقتاۋعا باعىتتالعان تاعى ءبىر مۇمكىندىك. سىزدەر ءوز حالىقتارىڭىزدىڭ تاريحي- مادەني مۇراسىن سۇيەتىن مادەنيەت سالاسىنىڭ جارقىن وكىلىسىزدەر. وسىنداي ءىس- شارالار تۇركى الەمى حالىقتارىنىڭ باسىن بىرىكتىرەدى، گەنەتيكالىق كودتىڭ جاندانۋىنا سەپ بولىپ، تاريحي سانانى قالىپتاستىرادى» ، دەلىنگەن.
«І بۇكىل الەمدىك كوشپەندىلەر ويىندارى مادەنيەتارالىق ديالوگتى قامتاماسىز ەتۋ بويىنشا مەملەكەتتەر ينتەگراتسياسى جولىندا جاسالعان تاعى ءبىر قادام ءارى ەلدەرىمىزدىڭ باي مۇراسىن ناسيحاتتاۋعا قوسار ۇلەس بولماق» ، - دەپ اتاپ ءوتتى ن. ءا. نازاربايەۆ.
بۇكىل الەمدىك ويىنداردىڭ ماقساتى - ايماقتاعى كورشىلىك قارىم- قاتىناستاردى، تۇركى تىلدەس ەلدەردىڭ اۋىزبىرلىگىن نىعايتۋ، كوشپەندى ەلدەر مادەنيەتىنىڭ ۇقساستىعى مەن بابالار مۇراسىن ساقتاپ قالۋ يدەياسىن دامىتۋعا جاڭا سەرپىن بەرۋ.
قازاقستاننىڭ رەسمي دەلەگاتسياسىن قازاقستان رەسپۋبليكاسىنىڭ مادەنيەت جانە سپورت ءمينيسترى ارىستانبەك مۇحامەدي ۇلى جانە قازاقستان رەسپۋبليكاسىنىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى بەيبىت يسابايەۆ باستاپ باردى.
بۇرىندارى حابارلانعانداي، جارىسقا تۇركيا، قازاقستان، وزبەكستان، تاجىكستان، تۇركىمەنستان، گاگاۋزيا، ازەربايجان، موڭعوليا، رەسەي، قىتاي ەلدەرىنىڭ سپورت دەلەگاتسيالارى قاتىسادى. قازاقستاننىڭ سپورت دەلەگاتسياسىنىڭ قۇرامىنا ۇلتتىق سپورت تۇرلەرى بويىنشا جەتىستىكتەرگە جەتىپ جۇرگەن سپورتشىلار ەندى.
ويىندار باعدارلاماسىندا اسىق اتۋ، توعىزقۇمالاق، قازاق كۇرەسى، قىرعىز كۇرەسى، الىش، كوكپار، اۋدارىسپاق، الامان بايگە، قۇنان بايگە، ات جارىسى قامتىلعان. سايىستىڭ سالتاناتتى جابىلۋ ءراسىمى شولپان اتادا 14 - قىركۇيەك كۇنى D3 فورماتىندا وتەدى.
