يليا يلين ينچحونداعى ازياداعا ازىرلىك تۋرالى اڭگىمەلەدى
كاسىبي مەرەكە - جىل سايىن قىركۇيەكتىڭ باسىندا اتالىپ وتىلەتىن مۇناي سالاسى قىزمەتكەرلەرىنىڭ كۇنىمەن تۇسپا-تۇس كەلگەن ساپار كەزىندە ەكى دۇركىن وليمپيادا چەمپيونى، الەمنىڭ ءۇش دۇركىن چەمپيونى جانە ەكى دۇركىن ازيا ويىندارىنىڭ چەمپيونى ي. يلين ءوزىنىڭ شاكىرتتەرى - جاس جانە بولاشاعى زور قازاقستاننىڭ اۋىراتلەتتەرى دەنيس ۋلانوۆپەن جانە الەكساندر زايچيكوۆپەن بىرگە كومپانيا قىزمەتكەرلەرىمەن - جانكۇيەرلەرىمەن كەزدەستى. ول بارلىعىن كاسىبي مەرەكەمەن قۇتتىقتادى.
«مەن سىزدەردىڭ بارلىعىڭىزبەن كەزدەسكەنىمە قۋانىشتىمىن. سىزدەردى كاسىبي مەرەكەلەرىڭىزبەن قۇتتىقتايمىن. بارلىق العا قويعان مىندەتتەردى ورىنداۋدا تابىسقا جەتۋلەرىڭىزگە تىلەكتەسپىن. ال ءبىز سىزدەردىڭ قاستارىڭىزدامىز، ءوز جەڭىستەرىمىزبەن كومەكتەسەتىن بولامىز»، - دەدى ي. يلين كەزدەسۋ كەزىندە.
ءوز كەزەگىندە «KMG International» باس ديرەكتورى، قازاقستاننىڭ اۋىر اتلەتيكا فەدەراتسياسىنىڭ پرەزيدەنتى جانات تۇسىپبەكوۆ سپورتشىلارىمىزدىڭ جەڭىستەرىن ماقتانىش ەتەتىنىن ءبىلدىردى جانە الداعى جارىستاردا ولارعا ساتتىلىك تىلەدى.
«قازاقستاننىڭ اۋىراتلەتتەرىنىڭ جەتىستىكتەرى الەم جۇرتشىلىعىنىڭ اۋزىندا ءجۇر. بىزدەردە ءوز ۇيىمىزدە شەبەرلىگىمىزدى كورسەتۋدىڭ جاقسى مۇمكىندىگى تۋىپ تۇر. سىزدەرگە ساتتىلىك تىلەيمن، جىگىتتەر! ءبىز وتاننان جىراقتا، وسى جەردە سىزدەرگە جانكۇيەر بولامىز»، - دەدى ج. تۇسىپبەكوۆ.
قازاقستاندىق اۋىراتلەت ينچحونداعى (كورەيا) الداعى ازيا ويىنداردارىنا جانە الماتى قالاسىندا 4-19 - قاراشا كۇندەرى وتەتىن 2014 - جىلعى الەم چەميوناتىنا ازىرلىك تۋرالى ەسەپ بەردى.
2014 - جىلعى الماتى قالاسىندا وتەتىن الەم چەمپيوناتى 2016 - جىلعى وليمپيادا ويىندارىنا قاتىسۋعا ۇمىتكەرلەردى تاڭداۋدا ماڭىزدى ىرىكتەۋ كەزەڭى بولماق. بۇل شاراعا الەمنىڭ 80 نەن استام ەلىنەن 300-500 سپورتشى قاتىسۋى جوسپارلانىپ وتىر.
