استانادا ازيا نەيروحيرۋرگتارىنىڭ كونگرەسى ءوز جۇمىسىن باستادى

بۇل تۋرالى كەشە «استانا وپەرا» مەملەكەتتىك وپەرا جانە بالەت تەاترىندا باستالعان X ازيا نەيروحيرۋرگتار كونگرەسىندە «ۇلتتىق نەيروحيرۋرگيا ورتالىعى» ا ق باسقارما ءتوراعاسى سەرىك اقشولاقوۆ ايتتى.

«كەشە كونگرەستىڭ اشىلۋ سالتاناتى بارىسىندا استاناداعى «ۇلتتىق نەيروحيرۋرگيا ورتالىعىندا» جاپونيا، ا ق ش، تۇركيا، گەرمانيا، رەسەي، يزرايل جانە قازاقستاننىڭ ۇزدىك نەيروحيرۋرگتەرى شەبەرلىك ساباعى رەتىندە 7 وتانىڭ ۇلگىسىن كورسەتتى. كونگرەسس بارىسىندا ءبىز نەيروحيرۋرگيا مەن نيەۆرولوگيا سالاسىنداعى زاماناۋي تەحنولوگيالار مەن تاجىريبە الماسۋ جايىن تالقىلايتىن بولامىز»، - دەدى ول.

ايتا كەتەيىك، ورتالىق ازيا مەن ت م د كەڭىستىگىندە تۇڭعىش رەت ءوتىپ وتىرعان اۋقىمدى شارا 13- قىركۇيەككە دەيىن سوزىلادى. كونگرەسس «بىرەگەي عىلىم - بىرەگەي قالا. ەۋرازيانىڭ كىندىك ورتاسىندا كەزدەسەيىك!» دەگەن ۇران بويىنشا وتۋدە. وعان 50 شاقتى ەلدىڭ 600 دەن استام دەلەگاتى قاتىسۋدا.

س. اقشولاقوۆتىڭ ايتۋىنشا، كونگرەسس جۇمىسى بارىسىندا 240 بايانداما تىڭدالادى. شارا اياسىندا  IIIازيالىق نەيروحيرۋرگيالىق مەدبيكەلەر كونگرەسى، سونداي-اق ازيانىڭ ايەل نەيروحيرۋرگتەرى قاۋىمداستىعىنىڭ كەزدەسۋى وتەدى.

ايتا كەتەيىك، ازيا نەيروحيرۋرگتەرىنىڭ كونگرەسى 1993-جىلى العاش رەت جاپونيادا وتكىزىلگەن بولاتىن. وسىدان كەيىن ەكى جىل سايىن الەمنىڭ ءىرى قالالارى مەن ەل استانالارىندا تۇراقتى تۇردە ءوتىپ كەلەدى. ال 2008-جىلى كۋالا-لۋمپۋر قالاسىندا وتكەن كەزەكتى جيىندا قازاقستان مەرەيتويلىق كونگرەستىڭ وتكىزىلەتىن ورنى بولىپ تاڭدالعان بولاتىن.

اۆتور: ءابۋ-اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى