ا ق ش قىتايمەن وداقتاسا ما؟
جوعارعى دەڭگەيدەگى بۇل سامميت قوس مەملەكەتتىڭ بايلانىسىنا جاڭا سەرپىلىس بەرۋى ءتيىس. قىتاي مەملەكەتتىك كەڭەس مۇشەسى يان تسزەچيمەن باسقوسۋىندا سيۋزان رايس وسىنداي سەنىمدىلىك تانىتتى.
سيۋزان رايس، ا ق ش پرەزيدەنتىنىڭ قاۋىپسىزدىك جونىندەگى كەڭەسشىسى:
- قۇراما شتاتتار ءۇشىن قىتايمەن دوستىق قارىم- قاتىناس ورناتۋ ماڭىزدى. ەكى جاق تا ءبىر- ءبىرىنىڭ مۇددەلەرىن ەسكەرۋى ءتيىس. سول كەزدە عانا اراداعى قاراما- قايشىلىقتاردى شەشۋگە بولادى.
مۇندا ايتىلىپ وتىرعان قاراما- قايشىلىقتار - بەيجىڭ ۆاشينگتوننىڭ دەگەنىنە يلىگە بەرمەيدى. ماسەلەن، تاياۋدا ۋكراينا پروبلەماسى كوتەرىلگەندە قىتاي رەسەيمەن وداقتاسا كەتتى. ال، ولاردىڭ مۇددەسى ءبىر نۇكتەدە توعىسۋى ا ق ش ءۇشىن ءتيىمسىز، - دەيدى قيىر شىعىس ينستيتۋتىنىڭ قىزمەتكەرى الەكساندر لومانوۆ كوممەرسانت باسىلىمىنا بەرگەن سۇحباتىندا.
الەكساندر لومانوۆ، ساراپشى:
- رەسەيگە قارسى سانكتسيالار ءتىزىمىن كەڭەيتۋ ءۇشىن ا ق ش قىتايدى ءوز جاعىنا تارتپاق. سوندىقتان، ۆاشينگتون بەيجىڭگە بايلانىستى قاتاڭ ساياساتىنان باس تارتىپ، بارىنشا ورتاق ءتىل تابىسۋعا ۇمتىلىپ وتىر.
ا ق ش گرۋزيانىڭ قورعانىسىن كۇشەيتپەك.
سونىمەن قاتار، تيىسەرگە قارا تاپپاي جۇرگەن امەريكا گرۋزيامەن شەكارادان رەسەي اسكەرىن اكەتۋدى تالاپ ەتتى. پەنتاگون باسشىسى چاك حەيگەل گرۋزيالىق ارىپتەسى يراكلي الاسانيامەن كەزدەسۋىننەن سوڭ ماسكەۋگە قاتقىل ۇنمەن وسىلاي دەپ ءتىل قاتقان. مۇنىمەن قوسا، ا ق ش تبيليسيمەن بەرىك اسكەري بايلانىس ورناتپاق ەكەنىن مالىمدەدى. ۆاشينگتون گرۋزيانىڭ ناتو- عا كىرۋىن تەزدەتۋگە قولعابىس جاساماق.
چاك حەيگەل، ا ق ش قورعانىس ءمينيسترى:
- ءبىز ەكى ەل اراسىنداعى اسكەري قارىم- قاتىناستى نىعايتۋدى تالقىلادىق. ءسويتىپ، گرۋزيانى امەريكالىق اسكەري تىكۇشاقتارمەن جابدىقتاۋ ماسەلەسىن قاراستىردىق.
ءبىراق، باتىستىڭ بۇل تىرلىكتەرى رەسەيدىڭ اشۋىن شاقىرعان كورىنەدى. پرەمەر- مينيستر دميتري مەدۆەديەۆتىڭ ايتۋىنشا، ا ق ش پەن ەۋروپا جاڭا سانكتسيالار سالسا، ماسكەۋ قاراپ وتىرماق ەمەس. قارىمتاسىن قايتارادى. ناقتىراق، كرەمل باتىس اۋە كومپانيالارىنا اۋە كەڭىستىگىن پايدالانۋعا تىيىم سالماق.
«استانا» تەلەارناسى
