يران پرەزيدەنتى نازاربايەۆ ۋنيۆەرسيتەتىنىڭ ستۋدەنتتەرىنە ءال- فارابيدىڭ الەمدىك عىلىمعا قوسقان ۇلەسى جايىندا ءدارىس وقىدى
«قۇرمەتتى ستۋدەنتتەر، سىزدەردىڭ ورتالارىڭىزدا تۇرعانىما، اسەم قالا استانادا جۇرگەنىمە قۋانىشتىمىن. وسى ەلدىڭ زيالى قاۋىمى الدىندا ءسوز سويلەپ جاتقانىما دا ريزامىن. بۇل مۇمكىندىكتى بەرىپ، قۇشاق جايا قارسى العانى ءۇشىن قازاقستان پرەزيدەنتى نۇرسۇلتان نازاربايەۆقا العىس بىلدىرگىم كەلەدى» ، - دەدى ح. رۋحاني ۋنيۆەرسيتەتتىڭ ستۋدەنتتەرى مەن پروفەسسورلىق- وقىتۋشىلار ۇجىمىنا ايتقان سوزىندە.
ارى قاراي يران باسشىسى ايماقتىڭ مادەني مۇراسى، ۇلى عالىم ءال- فارابيدىڭ جانە وزگە دە عالىمداردىڭ الەمدىك عىلىمعا قوسقان ۇلەسى جايىندا ءدارىس وقىدى.
«ءبىز مۇناي جانە گاز رەسۋرستارىن عانا ەمەس، سونىمەن بىرگە عىلىمي، فيلوسوفيالىق جانە مادەني رەسۋرستاردى دا پايدالانا الامىز. ءبىز الەم ءۇشىن كوپىر رەتىندە دە ارەكەت ەتە الامىز. ءبىز ءال- فارابي، يبن سينا، حورەزمي، رۋداكي جانە فيردوۋسي سىندى عۇلامالاردىڭ ۇرپاعىمىز. ءبىز ويلاۋدى، عىلىمدى جانداندىرا الامىز»، - دەدى ح. رۋداكي، نازاربايەۆ ۋنيۆەرسيتەتىنىڭ ستۋدەنتتەرى مەن پروفەسسورلىق- وقىتۋشىلار ۇجىمىنا ايتقان سوزىندە.
سونداي- اق ول، ەكى ەلگە دە ءبىلىم بەرۋ سالاسىنداعى ىنتىماقتاستىقتى وڭ جولعا قويۋ كەرەكتىگىن اتاپ ءوتتى. «يران يسلام رەسپۋبليكاسى ەكى ەل اراسىنداعى ىنتىماقتاستىقتى بارلىق سالا بويىنشا نىعايتۋعا ءازىر ەكەنىن جاريالايدى. سونىڭ ىشىندە عىلىم سالاسى جانە ج و و اراسىنداعى ىنتىماقتاستىق تا بار. ستۋدەنتتەرىمىزبەن الماسىپ، شاكىرتاقى بولە الامىز. وسىلايشا عىلىمي تاجىريبە الماسا الامىز» ، - دەپ ءتۇيدى يران باسشىسى.
ەسكە سالا كەتەيىك، بۇگىن ەكى مەملەكەتتىڭ باسشىلارى ەكى جاقتى كەلىسسوزدەر جۇرگىزىپ، قازاقستاندىق- يراندىق بيزنەس- فورۋمعا قاتىستى.
