سومكەسىنە پىشاق سالىپ جۇرگەن ازامات ءبىر جىلعا باس بوستاندىعىنان ايىرىلدى
ول سۋىق قارۋدى الىپ ءجۇرۋدىڭ زاڭسىز ەكەنىن بىلە تۇرا، سۋىق قارۋعا جاتاتىن پىشاقتى وزىمەن بىرگە الىپ جۇرگەن، دەپ حابارلادى شيەلى اۋداندىق سوتىنىڭ باسپا ءسوز قىزمەتىنەن.
ءىس قۇجاتتارىنا سايكەس، قوعامدىق ورىنداردا ازاماتتاردىڭ زاڭدىلىقتى ساقتاۋىن قاداعالاۋ بارىسىندا جەلىلىك پوليتسيا بولىمشەسىنىڭ پوليتسيا قىزمەتكەرلەرى شيەلى ستانساسىنىڭ تەمىرجول ۆوكزالىنىڭ كۇتۋ زالىندا وتىرعان سوتتالۋشى ك. -نىڭ جەكە باسىن انىقتاۋ ءۇشىن پوليتسيانىڭ كەزەكشى بولمەسىنە جەتكىزىپ، تەكسەرۋ بارىسىندا ونىڭ قولىنداعى الا ءتۇستى قىتايلىق سومكەسىندەگى ويىنشىقتارىنىڭ استىنان سۋىق قارۋعا جاتاتىن پىشاق تاۋىپ العان. دالەلدەمە زات رەتىندە حاتتاما تولتىرىپ الىندى.
سوتتا سوتتالۋشى ك. وزىنە تاعىلعان ايىپتى تولىقتاي مويىنداپ، وزىنە جەڭىل جازا تاعايىنداۋدى سۇرادى. سوت سوتتالۋشىنىڭ باس بوستاندىعىن 1 جىلعا شەكتەدى. ۇكىم زاڭدى كۇشىنە ەنبەگەن.
اۆتور: ەلۋباي اۋەزوۆ
