باراك وباما قىتايداعى سامميتكە قاتىسادى
مۇنداي مالىمدەمەنى ا ق ش پرەزيدەنتىنىڭ ۇلتتىق قاۋىپسىزدىك جونىندەگى كومەكشىسى سيۋزان رايسپەن كەلىسسوزدەر ناتيجەسى بويىنشا ق ح ر مەملەكەتتىك كەڭەسىنىڭ مۇشەسى يان سزەچي جاسادى.
اتەى مۇشە ەلدەردىڭ بەيرەسمي سامميتتەرىنە ەكى جىل قاتىسا الماعان ا ق ش پرەزيدەنتى بەيجىڭ ماڭىنداعى حۋايچجوۋ ۋەزىندە وتەتىن ءىرى حالىقارالىق فورۋمعا قاتىساتىنىن راستادى.
س. رايس حابارلاعانداي، باراك وباما قىتايعا باراتىن وسى ساپارى ەكىجاقتى قارىم-قاتىناستاردى دامىتۋ ۇردىسىندە ماڭىزدى قادام بولاتىنىنا سەنىمدى.
ەسكە سالا كەتەيىك، 2012-جىلى اق ءۇي باسشىسى ا ق ش-تاعى سايلاۋالدى ىشكى ساياسي وقيعالاردىڭ سالدارىنان ۆلاديۆوستوكتا (رەسەي) وتكەن اتەى سامميتىنە قاتىسا المادى. 2013-جىلى ا ق ش پرەزيدەنتى ەلدەگى بيۋجەتتىك پروبلەمالارعا بايلانىستى باليدە (يندونەزيا) وتكەن ا ت ە ى كەزەكتى وتىرىسىنا بارا المادى.
س. رايس قىتايمەن قارىم-قاتىناستار باسىم باعىتتاردىڭ بىرىنە جاتاتىنىن، امەريكالىق تاراپ قىتاي مەن ا ق ش اراسىنداعى ءىرى دەرجاۆالىق قارىم-قاتىناستاردىڭ جاڭا ۇلگىسىن جاساۋعا كۇش سالۋعا نيەتتى ەكەنىن اتاپ ءوتتى.
«بۇل ا ق ش پەن قىتايدىڭ، سونداي-اق حالىقارالىق قوعامداستىقتىڭ مۇددەلەرىنە ساي كەلەدى»، - دەپ ءمالىم ەتتى ول.
كەلىسسوزدەر بارىسىندا تاراپتار قازىرگى حالىقارالىق احۋال جايىندا پىكىر الماستى. ونىڭ ىشىندە ق ح د ر مەن يراننىڭ يادرولىق پروبلەمالارى، اۋعانستان مەن ورتا شىعىس ماسەلەلەرى ءسوز بولدى.
ا ت ە ى - ازيا-تىنىق مۇحيت ايماعىندا ەكونوميكالىق وسىمگە، ىنتىماقتاستىققا، ساۋداعا، ينۆەستيتسيالارعا جاردەمدەسۋ ءۇشىن 1989-جىلى قۇرىلعان مەملەكەت ارالىق فورۋم. ا ت ە ى-عا 21 ەل مەن اۋماق قاتىسادى. ونىڭ ۇلەسىنە الەمدىك ءى ج و-ءنىڭ 54 پايىزعا جۋىعى، حالىقارالىق ساۋدا-ساتتىق اينالىمىنىڭ 44 پايىزى، تىكەلەي شەتەلدىك ينۆەستيتسيالاردىڭ 40 پايىزدان استامى جانە الەم حالقىنىڭ 40 پايىزعا جۋىعى كەلەدى.
سونىمەن قاتار موڭعوليا فورۋمنىڭ تۇراقتى مۇشەسى رەتىندە قابىلدانادى دەپ كۇتىلۋدە. موڭعوليا پرەزيدەنتى فورمۋعا قاتىسۋعا بەيجىڭگە شاقىرىلدى.
